جبری ڈیوٹی سے تنگ ایک اور بھارتی فوجی نے خودکشی کرلی

اتوار جون 18:10

سری نگر(اُردو پوائنٹ اخبارتازہ ترین۔ 03 جون2018ء) جبری ڈیوٹیوں سے تنگ آئے بھارتی فوجیوں کی خودکشیوںکے رجحان میں دن بہ دن اضافہ،مقبوضہ کشمیرمیں ایک اور فوجی نے اپنے آپ کو گولی مار کر زندگی کا خاتمہ کرلیا۔کشمیر میڈیا رپورٹس کے مطابق کنگن کے نواحی علاقہ گاندربل میں جبری ڈیوٹی کرنے والے ایک اور بھارتی فوجی نے ڈیوٹی کے دوران سرکاری رائفل سے خود کو گولی مارکر خودکشی کر لی۔

(جاری ہے)

ایک ساتھی پولیس اہلکار نے بتایا کہ خود کو گولی مارنے والے شخص کی شناخت حوالدار راج پال سنگھ ولد روپ سنگھ کے نام سے ہوئی ہے جبکہ وہ یوپی کانپور کا رہائشی تھا۔خیال رہے کہ مقبوضہ کشمیر میں بھارتی فوجیوں کی خود کشی کا تناسب دن بہ دن بڑھتا جا رہاہے جس کی بڑی وجہ ذہنی تنا ئو ہے۔ اس سے قبل بھی مقبوضہ کشمیرمیں جبری ڈیوٹی کرنے والے کئی بھارتی فوجی اپنی زندگیوں کا خاتمہ کر چکے ہیں۔