مناواں میں تیز رفتار ٹریکٹر ٹرالی نے موٹر سائیکل کو کچل ڈالا

اتوار 3 جون 2018 18:10

لاہور(اُردو پوائنٹ اخبارتازہ ترین - آئی این پی۔ 03 جون2018ء) لاہور کے علاقہ مناواں کے علاقے میں تیز رفتار ٹریکٹر ٹرالی نے موٹر سائیکل سوار کو کچل ڈالا ، پولیس نے ڈرائیور کو حراست میں لے کر قانونی کارروائی کا آغاز کر دیا ۔

(جاری ہے)

تفصیلات کے مطابق مناواں کے علاقے میں تیز رفتار ٹریکٹر ٹرالی نے موٹر سائیکل سوار عمران خان کو کچل ڈالا جو موقع پر ہی دم توڑ گیا ۔ اطلاع ملتے ہی پولیس موقع پر پہنچ گئی جس نے ڈرائیور رفیق کو حراست میں لے ٹریکٹر ٹرالی سمیت تھانے منتقل کر کے قانونی کارروائی شروع کر دی جبکہ لاش کو پوسٹمارٹم کے لئے مردہ خانے منتقل کر دیا گیا۔