محمد یوسف شیخ کو وزارت نیشنل ہیلتھ سروسز، ریگولیشن اینڈ کوآرڈینیشن، وزارت مذہبی امور و بین المذاہب اہم آہنگی کا اضافی چارج سونپ دیا گیا

منگل 5 جون 2018 18:30

اسلام آباد ۔ (اُردو پوائنٹ اخبارتازہ ترین - اے پی پی۔ 05 جون2018ء) نگران حکومت نے محمد یوسف شیخ کو وفاقی وزارت تعلیم اور پیشہ وارانہ تربیت کے علاوہ وزارت نیشنل ہیلتھ سروسز، ریگولیشن اینڈ کوآرڈینیشن، وزارت مذہبی امور و بین المذاہب اہم آہنگی کا اضافی چارج بھی دیا ہے۔ محمد یوسف شیخ نے پی ایم اے کاکول میں جنرل سٹاف آفیسر اور انسٹرکٹر کے طورپر کام کیا۔

(جاری ہے)

وہ پرنسپل/پراجیکٹ ڈائریکٹر پبلک سکول سکھر، پرنسپل/پراجیکٹ ڈائریکٹر پبلک سکول گڈاپ کراچی، پرنسپل/پراجیکٹ ڈائریکٹر سندھ مدرستہ الاسلام کراچی، پرنسپل/پراجیکٹ ڈائریکٹر پبلک سکول حیدرآباد، بانی پرنسپل/پراجیکٹ ڈائریکٹر کیڈٹ کالج لاڑکانہ کے طورپر 23سال کام کیا۔ انہوں نے چیئرمین لاڑکانہ ڈسٹرکٹ ہسٹوریکل سوسائٹی، ممبر پاکستان انسٹیٹیوٹ آف انٹرنیشل افیئرز کراچی، ممبر سندھ مدرسہ بورڈ، ممبر بورڈآف گورنر کیڈٹ کالج فار گرلز نواب شاہ، ممبر اقبال اکیڈمی ایوارڈ کمیٹی، لائف ممبر پاکستان آرٹس کونسل کراچی، لائف ممبر سوسائٹی آف پاکستان انگلش لینگوائجز ٹیچرزاور لائف ممبر سندھ ریڈ کریسینٹ سوسائٹی بھی ہیں۔