فیصل آباد، فوڈ سیفٹی ٹیموں کی رشیدآباد میں کاروائی، سرخ جعلی مرچ کی سپلائی کا منصوبہ ناکام

2من جعلی مرچ برآمد ، جعلی مرچیں تیار کرنے پر فیکٹری سیل

جمعرات 14 جون 2018 17:35

فیصل آباد(اُردو پوائنٹ اخبارتازہ ترین - آن لائن۔ 14 جون2018ء) عید پر فیصل آباد سمیت پنجاب کے دیگر اضلاع کوسرخ جعلی مرچ کی سپلائی کا منصوبہ ناکام ہوگیا ،122من جعلی مرچ برآمد ، جعلی مرچیں تیار کرنے پر فیکٹری کوسیل کر دیا۔ کیا ،متعدد فوڈ پوائنٹس کو صفائی کے ناقص انتظامات اور غیر معیاری اشیاء کی فروخت پر بھاری جرمانے عائدکیے ۔آن لائن کے مطابق فوڈ سیفٹی ٹیموں نے فیصل آباد کے علاقے رشیدآباد میں کاروائی کرتے ہوئے مضر صحت کاسمیٹکس کلرز،چوکر ،برادہ کی ملاوٹ سے جعلی مرچیں تیار کرنے،فیک لیبلنگ اور ناقص سٹوریچ پر سیل کر دیا ۔

دوسری جانب فوڈ سیفٹی ٹیموں نے فیصل آباد ٹوبہ ٹیک سنگھ اورچنیوٹ میں مزید کارروائیاں کر تے ہو ئے متعدد فوڈ پوائنٹس کو زائدالمعیاد اشیاء کی موجودگی ،سابقہ نوٹس پر عمل نہ کر نے ،ممنوعہ اشیاء کی فروخت اورصفائی کے ناقص انتطامات پربھاری جرمانے عائد کر دیے ۔

(جاری ہے)

ڈویژن بھرمیں کارروائیوں کے دوران بر آمد شدہ 4890کلو جعلی مرچیں ،بھاری مقدار میںبرداہ ،چوکر،زائدالمعیاد مشروبات ،ملاوٹی دودھ ،ممنوعہ کاسمیٹکس رنگ اور دیگر اشیاء تلف کر دی گئیں۔ مزید برآں کارروائیوں کے دوران متعدد فوڈ پوائنٹس،بیکرز ،ہوٹلز،پروڈکشن یو نٹس،ریسٹورنٹس اور کر یانہ سٹورز کو حفظانِ صحت کے اصولوں کی خلاف ورزیوں پر وارننگ نو ٹسز جاری کیے گئے۔ -06-18/--36