ریٹرننگ افسران کی چھٹیاں ختم، امیدواروں کی سکروٹنی دوبارہ شروع

الیکشن کمیشن ریٹرننگ افسران نے (آج)تک تمام امیدواروں کے کاغذات کی جانچ پڑتال مکمل کرنی ہے‘ریٹرننگ افسران کو تمام امیدواروں کی تفصیلات فراہم ‘کاغذات نامزدگی جمع کرانے والوں میں سے 11 فیصد امیدوار نادہندہ ‘ ریٹرننگ افسران کو 122 امیدواروں کی دوہری شہریت سے متعلق آگاہ کر دیا گیا

پیر 18 جون 2018 13:20

اسلام آباد (اُردو پوائنٹ اخبارتازہ ترین - آئی این پی۔ 18 جون2018ء) ملک بھر کے ریٹرننگ افسران کی عید کی چھٹیاں ختم ہونے کے بعد ملک بھر میں امیدواروں کی سکروٹنی کا سلسلہ دوبارہ شروع ہوگیا۔ الیکشن کمیشن ریٹرننگ افسران نے (آج)تک تمام امیدواروں کے کاغذات کی جانچ پڑتال مکمل کرنی ہے۔

(جاری ہے)

الیکشن کمیشن سکروٹنی سیل نے ریٹرننگ افسران کو تمام امیدواروں کی تفصیلات فراہم کر دی، کاغذات نامزدگی جمع کرانے والوں میں سے 11 فیصد امیدوار نادہندہ ہیں، ریٹرننگ افسران کو 122 امیدواروں کی دوہری شہریت سے متعلق آگاہ کر دیا گیا ۔

اسی طرح پی ٹی سی ایل کے 1500 ڈیفالٹر امیدواروں کی فہرست بھی بھجوائی گئی ہے۔ریٹرننگ افسران کو 383 بنکوں کے ڈیفالٹرز اور ایس این جی پی ایل کے 310 ڈیفالٹر امیدواروں کی فہرست بھی بھجوائی گئی ہے۔ ذرائع کے مطابق، کل 21 ہزار امیدواروں میں سے 2300 سے زائد کے کاغذات نامزدگی انتہائی مشکوک ہیں۔ ریٹرنگ افسران آج اور کل امیدواروں کی اہلیت نااہلیت کے فیصلے کرینگے۔