حافظ آبا، تیز رفتار گھوڑا بے قابو ہو کر گندے نالے میں جا گرا

ہفتہ 23 جون 2018 19:05

حافظ آباد(اُردو پوائنٹ اخبارتازہ ترین - این این آئی۔ 23 جون2018ء) حافظ آباد میں تیز رفتار گھوڑا بے قابو ہو کر گندے نالے میں جا گرا۔مقامی افراد گہرے اور تنگ نالے میں پھنسے گھوڑے کو نکالنے کی کوشش کرتے رہے تاہم ریسکیو اہلکاروں نے کرین کے ذریعے ڈیڑھ گھنٹے کی کوشش کے بعد گھوڑے کو نالے سے نکال لیا۔

(جاری ہے)

حافظ آباد میں محمد اسلم اپنے گھوڑے کو ڈیرہ پر لیجا رہا تھا کہ قدیر پورہ ونیکے روڑ کے قریب اسکا گھوڑا تیز رفتار کے باعث بے قابو ہو کر آٹھ فٹ گہرے نالے میں جا گرا،گھوڑا تنگ نالے میں پھنس گیا ،گھوڑے کے مالک اور مقامی افراد نے نالے سے گھوڑے کو نکالنے کی کوشش کی لیکن وہ کامیاب نہ ہو سکے۔

گھوڑے کو نکالنے کے لئے ریسکیو 1122کے اہلکاروں کو بلایا گیا جنہوں نے ڈیڑھ گھنٹے کی کاوش کے بعد کرین کے ذریعے گھوڑے کو گندے نالے سے نکال لیا۔نالے میں گرنے کے باعث گھوڑا زخمی بھی ہو گیا۔

Facebook Twitter Google + Share on Whatsapp

حافظ آبا، تیز رفتار گھوڑا بے قابو ہو کر گندے نالے میں جا گرا

متعلقہ عنوان :

مزید قومی خبریں