سپریم کورٹ ، کراچی میں مردم شماری کے خلاف پی ایس پی کی درخواست پر کیس انتخابات کے بعد سماعت کے لیے مقرر کرنے کی ہدایت

جمعہ 29 جون 2018 23:40

اسلام آباد ۔ (اُردو پوائنٹ اخبارتازہ ترین - اے پی پی۔ 29 جون2018ء) سپریم کورٹ نے کراچی میں مردم شماری کے خلاف پی ایس پی کی درخواست پر رجسٹرار آفس کے اعتراضات ختم کرتے ہوئے کیس انتخابات کے بعد سماعت کے لیے مقرر کرنے کی ہدایت کردی ہے ۔ جمعہ کوچیف جسٹس میاں ثاقب نثار نے اپنے چیمیرمیںپی ایس پی کی درخواست پر اعتراضات کے خلاف اپیل کی سماعت کی۔

اوردرخواست کاجائزہ لینے کے بعد کراچی میں مردم شماری کے خلاف پی ایس پی کی درخواست پر لگائے گئے اعتراضات ختم کر دیی. یادرہے کہ رجسٹرار آفس نے پی ایس پی کی درخواست پر اعتراض لگائے تھے جس کے خلاف مصطفی کمال نے اپیل دائر کی تھی ، چیف جسٹس نے مصطفی کمال کے ان چیمبر دلائل سننے کے بعد انتخابات کے بعد مردم شماری کے خلاف درخواست سماعت کے لئے اوپن کورٹ میں مقرر کرنے کی ہدایت کردی دریں آثناء سپریم کورٹ نے صحافیوں پر تشدد سے متعلق ازخود نوٹس کیس پولیس اور صحافیوں کے درمیان صلح ہونے کی بنیاد پر نمٹا دیا ہے چیف جسٹس کی سربراہی میں تین رکنی بنچ نے سماعت کی اس موقع پرسیشن جج اسلام آباد کی رپورٹ عدالت میں پیش کی گئی، مقامی صحافی رہنما شکیل قرار نے یش ہوکرعدالت کو بتایا کہ ایس پی عامر نیازی اور ایس ایچ او خالد اعوان نے ہم سے واقعے پر معذرت کرلی ہے ۔

(جاری ہے)