پی ٹی آئی 25 جولائی کو کرپٹ مافیا کو شکست دے گی، عمران خان کا سیالکوٹ میں جلسہ عام سے خطاب

پیر 16 جولائی 2018 00:50

سیالکوٹ۔ (اُردو پوائنٹ اخبارتازہ ترین - اے پی پی۔ 16 جولائی2018ء) پاکستان تحریک انصاف کے چیئرمین عمران خان نے کہا ہے کہ پی ٹی آئی 25 جولائی کو کرپٹ مافیا کو شکست دے گی اور قومی اداروں کو مضبوط بنانے کیلئے حقیقی جمہوریت لائے گی۔

(جاری ہے)

سیالکوٹ کے جناح سٹیڈیم میں جلسہ عام سے خطاب کرتے ہوئے عمران خان نے کہا کہ وہ اقتدار میں آنے کے بعد مقامی حکومتوں کا نیا نظام لائیں گے جس سے نیا پاکستان بنے گا۔ انہوں نے دعویٰ کیا کہ کرپٹ مافیا کو شکست دینے کیلئے عوام پی ٹی آئی کو ووٹ دیں گے۔ پی ٹی آئی ملک کو ترقی اور خوشحالی کے راستے پر ڈالنے کی صلاحیت رکھتی ہے۔ عمران خان نے کہا کہ ہمیں حکومت ملی تو ہم اشیا کی قیمتوں میں کمی لائیں گے اور عوام کو ہر ممکن ریلیف فراہم کریں گے۔