پاک فوج کے مزید پانچ جوان انتخابی عمل کے دوران اپنے فرائض سرانجام دیتے ہوئے شہید

جمعرات 26 جولائی 2018 17:30

راولپنڈی ۔ (اُردو پوائنٹ اخبارتازہ ترین - اے پی پی۔ 26 جولائی2018ء) پاک فوج کے مزید پانچ جوان انتخابی عمل کے دوران اپنے فرائض سرانجام دیتے ہوئے جام شہادت نوش کر گئے۔

(جاری ہے)

جمعرات کو پاک فوج کے محکمہ تعلقات عامہ (آئی ایس پی آر) کے ڈائریکٹر جنرل کی طرف سے جاری بیان کے مطابق این اے 12 میں انتخابی عمل کے دوران انتخابی سامان ریٹرننگ آفیسر کے دفتر پہنچانے کے بعد جوانوں کو لے جانے والی گاڑی 250 فٹ گہری کھائی میں جا گری جس سے جیپ میں سوار پانچ جوان شہید ہو گئے۔ بیان میں کہا گیا ہے کہ فرائض کی بجاآوری کے دوران شہادت سے بڑی کوئی قربانی نہیں۔