این اے 269 سے بلوچستان نیشنل پارٹی کے محمد اختر مینگل 52875 ووٹ لے کر کامیاب غیر حتمی غیر سرکاری نتائج

جمعہ 27 جولائی 2018 17:28

اسلام آباد ۔ (اُردو پوائنٹ اخبارتازہ ترین - اے پی پی۔ 27 جولائی2018ء) الیکشن کمیشن نے قومی اسمبلی کے حلقہ این اے 269 کے غیر حتمی نتائج جاری کر دیئے ہیں جس کے مطابق بلوچستان نیشنل پارٹی کے سربراہ محمد اختر مینگل 52875 ووٹ لے کر کامیاب قرار پائے ہیں۔

(جاری ہے)

الیکشن کمیشن کی جانب سے جاری کئے گئے غیر سرکاری غیر حتمی نتیجہ کے مطابق اس حلقہ سے 13امیدوار مد مقابل تھے جن میں سے محمد اختر مینگل کامیاب رہے۔ ان کے قریب ترین حریف بلوچستان عوامی پارٹی کے محمد خالد بزنجو رہے جنہں نے 19720 ووٹ حاصل کئے جبکہ آزاد امیدوار میرشفیق الرحمن مینگل 14559 ووٹ حاصل کر کے تیسرے نمبر پر رہے۔ اس حلقہ میں پولنگ کی شرح 54.32 فیصد رہی۔