Live Updates

عمران خان کی زبان سے نکلنے والے الفاظ پر بھروسہ ہے ، نوجوت سنگھ سدھو

اتوار 12 اگست 2018 18:50

نئی دہلی (اُردو پوائنٹ اخبارتازہ ترین - آن لائن۔ 12 اگست2018ء) سابق بھارتی کرکٹر نوجوت سنگھ سدھو نے کہا ہے کہ پاک بھارت تعلققات میں بہتری کے لیے عمران خان کی زبان سے نکلنے والے الفاظ پر بھروسہ ہے۔ایک انٹرویو میں گفتگو کرتے ہوئے سابق بھارتی کرکٹر کا کہنا تھا کہ عمران خان پر بھروسہ ہے ایک سیٹ سے کامیابی کا سفر شروع کرنیوالا آج وزیرا عظم بن گیا۔

(جاری ہے)

واضح رہے سابق بھارتی کرکٹر کپل دیو اور سدھو کو آخر کار پاکستان کے متوقع وزیر اعظم عمران خان کی جانب سے حلف برداری کے با ضابطہ دعوت نامے مل گئے۔پی ٹی آی چیئرمین عمران خان کی وزیر اعظم کے لیے حلف برداری کی تقریب 18 اگست کو ہوگی،کپل دیو اور سدھو نے دعوت نامے ملنے کی تصدیق کر دی ہے،دونوں سابق کرکٹرز حلف برداری کی تقریب سے ایک روز قبل پاکستان پہنچیں گے۔نوجوت سدھو کا عمران خان سے کرکٹ کے حوالے سے 30 سال کا تعلق رہا ہے، دعوت نامہ ملنے کے بعد ان کا کہنا ہے کہ عمران کی جانب سے مجھے ذاتی طور پر بھی دعوت دی گئی، ہم دونوں نے کچھ منٹ تک گفتگو بھی کی، میں نے انہیں ان کی کامیابی پر مبارکباد بھی دی اور نیک تمنا ئوں کا اظہار بھی کیا
Live عمران خان سے متعلق تازہ ترین معلومات