پولیس نے اغوا کا ڈرامہ رچانے والے نوجوان کو بازیاب کر کے 2 دوستوں کو گرفتار کر لیا

اتوار 12 اگست 2018 21:40

کراچی(اُردو پوائنٹ اخبارتازہ ترین - آئی این پی۔ 12 اگست2018ء) پولیس نے اغوا کا ڈرامہ رچانے والے نوجوان کو بازیاب کر کے 2 دوستوں کو گرفتار کر لیا۔اینٹی وائلنٹ کرائم سیل اور سی پی ایل سی نے مشترکہ کارروائی کرتے ہوئے گلستان جوہر سے مغوی 18 سالہ احسن عارف کو بازیاب کر کے 2 ملزمان حارث اور اسامہ کو گرفتار کر کے تاوان کی رقم 5 لاکھ روپے برآمد کرلیے۔

(جاری ہے)

مغوی کے والد عارف بھٹی نے گلشن اقبال تھانے میں مقدمہ درج کرایا تھا کہ اس کے بیٹے کو نامعلوم ملزمان نے اغوا کیا ہے اور اس کی رہائی کے عوض 5 لاکھ روپے تاوان مانگ رہے ہیں اغوا کی واردات کا ڈراپ سین اس وقت ہوا جبکہ مغوی احسن عارف نے بتایا کہ اس نے اپنے دوستوں کیساتھ مل کر اغوا کا ڈرامہ رچایا تھا۔مغوی نے بتایا وہ کچھ بڑا کرنا چاہتا تھا جبکہ اسے ایک کیمرہ بھی پسند آیا تھا جسے وہ خریدنا چاہتا تھا جس کیلیے یہ سب کچھ ڈرامہ رچایا۔