نیسلے پاکستان کی آمدنی میں پہلی ششماہی کے دوران 4.24 فیصدمجموعی اضافہ

جمعرات 16 اگست 2018 20:52

لاہور(اُردو پوائنٹ اخبارتازہ ترین - این این آئی۔ 16 اگست2018ء) نیسلے پاکستان نے پہلی ششماہی کے دوران 4.24 فیصد ریکارڈ ترقی اور کل آمدنی میں 2.63 ارب روپے کا مجموعی اضافہ کیا۔ نیسلے پاکستان نے 64.57 ارب روپے کی آمدن حاصل کی۔کمپنی نے گزشتہ 6 ماہ جن کی مدت 30 جون 2018ء تک ہے، میں 6.26 ارب روپے کی مجموعی آمدنی حاصل کی جبکہ گزشتہ سال اسی مدت میں 7.93 ارب کی آمدنی ہوئی تھی۔

(جاری ہے)

نتائج کا اعلان نیسلے پاکستان کے بورڈ آف ڈائریکٹرز کے اجلاس کے اختتام پر ہوا۔ اقتصادی حالات میں مجموعی کمی کے باعث، جس میں روپے کی گرتی ہوئی قدر، اشیاء کی قیمتوں میں کمی اور بڑھتا ہوا مالی خسارہ اور پیکجڈ دودھ کے زمرے میں کمی شامل ہے، کمپنی کو آمدنی پر دبائو کا سامنا کرنا پڑا ہے، نتیجتاً اس کی فی حصص آمدنی گزشتہ سال کے مقابلے میں 174.95 روپے سے گر کر 138.03 روپے ہو گئی۔