جڑواں شہروں کے ٹرانسپورٹ اڈوں پر عید منانے کے لئے آنے اور جانے والوں کا رش رہا

منگل 21 اگست 2018 22:20

اسلام آباد ۔ (اُردو پوائنٹ اخبارتازہ ترین - اے پی پی۔ 21 اگست2018ء) جڑواں شہروںراولپنڈی۔اسلام آباد کے ٹرانسپورٹ اڈوں ،ریلوے سٹیشنوں اور اسلام آباد انٹر نیشنل ایئر پورٹ پر منگل کو بھی عید منانے کے لئے آنے اور جانے والوں کا رش رہا ۔عید منانے کے لئے آمدورفت کا سلسلہ گزشتہ ایک ہفتہ سے جاری ہے اور اپنے عزیزواقارب کے ساتھ عید قربان آبائی علاقوں میں منانے والوں کی آمدورفت کا سلسلہ منگل کو عید سے ایک روز قبل بھی جاری رہا ۔

(جاری ہے)

پشاور موڑ، فیض آباد،پیر ودھائی،جی نائن بس سٹینڈ سمیت صدر ریلوے سٹیشن راولپنڈی پر لوگ رخت سفر باندھے دکھائی دئے تاجر طبقہ بھی رات گئے تک کاروبار سمیٹ کر آبائی گھروں کو سدھار گئے۔دیگر ممالک سے عید منانے وطن واپس آنے والوں اور بیرون ملک اور دیگر شہروں کے لئے جانے والوںکی ایئر پورٹ پرآمدورفت بھی دیکھی گئی۔اسلام آباد موٹروے ٹول پلازہ اور جی ٹی روڈ پر اپنی گاڑی پر سفر کرنے والوں کی آمدورفت کا بھی رش رہا۔