ٹوکن شارٹ ہونے پر علی ترین کا لاہور میں چالان کر دیا گیا

ٹریفک اہلکار نے علی ترین کو روک کر چالان کی رسید تھما دی

Sumaira Faqir Hussain سمیرا فقیرحسین منگل ستمبر 11:26

ٹوکن شارٹ ہونے پر علی ترین کا لاہور میں چالان کر دیا گیا
لاہور (اُردو پوائنٹ تازہ ترین اخبار۔ 18 ستمبر 2018ء) : ٹوکن شارٹ ہونے پر علی ترین کا چالان کر دیا گیا ۔ تفصیلات کے مطابق ٹوکن شارٹ ہونے پر پاکستان تحریک انصاف کے رہنما جہانگیر ترین کے بیٹے علی ترین کا چالان کر دیا گیا۔ ٹریفک اہلکار نے علی ترین کو روکا اور ٹوکن شارٹ ہونے پر چالان کر کے رسید تھما دی۔ واضح رہے کہ وزیراعظم عمران خان نے قوم سے اپنے پہلے خطاب میں کہا تھا کہ نئے پاکستان میں قانون سب کے لیے برابر ہو گا۔

امیر اور غریب کے لیے قانون میں کوئی فرق نہیں ہو گا۔ یاد رہے کہ گذشتہ روز بھی خیبرپختونخواہ کی ٹریفک پولیس نےرکن صوبائی اسمبلی عزیز اللہ خان کا چالان کر دیا تھا۔ رکن صوبائی اسمبلی عزیز اللہ خان کو دوران ڈرائیونگ موبائل فون استعمال کرنے پرچالان تھمایا گیا۔

(جاری ہے)

قانون کی خلاف ورزی کرنے پر رکن صوبائی اسمبلی کو 500 روپے کا چالان کیا گیا ، چالان کرنے پر رکن صوبائی اسمبلی عزیز اللہ گران نے ٹریفک اہلکار کو جھاڑ پلانے یا اپنی اسمبلی رکنیت کا رعب جھاڑنے کی بجائے اسے 500 روپے انعام بھی دیا۔

یہاں یہ امر قابل ذکر ہے کہ خیبر پختونخواہ کی پولیس اور ٹریفک پولیس کے ایسے کئی قصے اس سے قبل بھی سامنے آ چکے ہیں۔ خیبر پختونخواہ پولیس کبھی بھی امیر اور غریب میں فرق روا نہیں رکھتی ۔ پاکستان تحریک انصاف نے خیبرپختونخواہ میں اپنی حکومت بنانے کے بعد خیبرپختونخواہ کے محکمہ پولیس میں خاطر خواہ اصلاحات کیں جس کے بعد خیبرپختونخواہ میں پولیس سے سیاسی اثر و رسوخ بھی ختم کر دیا گیا ۔ خیبرپختونخواہ کی پولیس سیاسی اثر و رسوخ سے بالاتر ہے اور اہنے فیصلوں میں خود مختار ہے ، یہی وجہ ہے کہ مجرم چاہے کوئی بھی ہو خیبرپختونخواہ پولیس اور ٹریفک پولیس کے ہاتھوں اسے رعایت نہیں دی جاتی جو قابل ستائش ہے۔