Live Updates

وزیر اعظم سے علماء کے وفد کی ملاقات ،ْ مدارس کے کردار و خدمات ،ْ متعلقہ امور پر تبادلہ خیال

شعبہ تعلیم میں اصلاحات کا بنیادی مقصد تفریق کاخاتمہ اور مدرسے کے بچے کو اوپر لانا ہے ،ْ وزیر اعظم ،ْ مدرسوں کی خدمات کو نظر انداز کرنا اور ان کو دہشت گردی سے منسوب کرنا ناانصافی ہے ،ْمدارس کو درپیش تمام مسائل باہمی مشاورت سے حل کریں گے ،ْعمران خان علماء کرام حکومت کے تمام مثبت اقدامات کی بھرپور حمایت کریں گے ،ْعلماء کے وفد کی وزیر اعظم کو یقین دہانی

بدھ 3 اکتوبر 2018 20:21

وزیر اعظم سے علماء کے وفد کی ملاقات ،ْ مدارس کے کردار و خدمات ،ْ متعلقہ ..

اسلام آباد (اُردو پوائنٹ اخبارتازہ ترین - این این آئی۔ 03 اکتوبر2018ء) وزیر اعظم عمران خان نے کہا ہے کہ شعبہ تعلیم میں اصلاحات کا بنیادی مقصد تفریق کاخاتمہ اور مدرسے کے بچے کو اوپر لانا ہے ،ْ مدرسوں کی خدمات کو نظر انداز کرنا اور ان کو دہشت گردی سے منسوب کرنا ناانصافی ہے ،ْمدارس کو درپیش تمام مسائل باہمی مشاورت سے حل کریں گے۔بدھ ووزیر اعظم عمران خان سے علماء کرام کے وفد نے وزیر اعظم آفس میں ملاقات کی جس میں مفتی منیب الرحمان ،ْمولانا محمد حنیف جالندھری، صاحبزادہ عبدالمصطفیٰ ہزاروی، مولانا یاسین ظفر، مولانا عبدالمالک، ڈاکٹر مولانا عطاء الرحمن، مولونا سید قاضی نیاز حسین نقوی شامل تھے ۔

وفاقی وزیر برائے تعلیم شفقت محمود، وزیر برائے مذہبی امور نورالحق قادری، وزیرِ مملکت برائے داخلہ شہریار آفریدی بھی ملاقات میں موجودتھے ۔

(جاری ہے)

ملاقات میں حکومت کی جانب سے شعبہ تعلیم (نظام و نصاب تعلیم) کی بہتری کے لئے کی جانے والی اصلاحات اور اس سلسلے میں مدارس کے کردار و خدمات اوران سے متعلقہ امور پر تبادلہ خیال کیا گیا ۔ علماء کرام کے وفد نے وزیرِ اعظم عمران خان کو وزیراعظم منتخب ہونے پر مبارکبا د دی ۔

وفد نے کہا کہ خلوصِ دل سے دعا ہے کہ اللہ تعالیٰ آپ کو اپنے مشن میں سرخروکرے اور قوم کی توقعات پر پورا اترنے میں کامیاب فرمائے۔وفد نے وزیر اعظم کو یقین دہانی کرائی کہ علماء کرام حکومت کے تمام مثبت اقدامات کی بھرپور حمایت کریں گے۔ وزیر اعظم کی جانب سے حکومتی اقدامات کی حمایت پر علمائے کرام کا شکریہ ادا کیا گیا وزیر اعظم نے کہا کہ نظامِ تعلیم اور نصاب تعلیم کی بہتری پی ٹی آئی حکومت کی اولین ترجیح ہے۔

وزیر اعظم نے کہا کہ ملک میں تین مختلف نظام تعلیم کی موجودگی قوم کی تقسیم اور مختلف کلچرز کو پروان چڑھانے کا باعث رہی ہے ،ْایک قوم کی تعمیر کیلئے ضروری ہے کہ بنیادی نظام تعلیم اور نصاب تعلیم میں یکسانیت ہو۔ وزیر اعظم نے کہا کہ مدرسے کے بچوں کا بھی پورا حق ہے کہ وہ زندگی کے ہر شعبے میں اپنی صلاحیتوں کے مطابق آگے بڑھ سکیں۔ وزیر اعظم نے کہاکہ شعبہ تعلیم میں اصلاحات کا بنیادی مقصد تفریق کاخاتمہ اور مدرسے کے بچے کو اوپر لانا ہے ۔وزیر اعظم نے کہا کہ مدرسوں کی خدمات کو نظر انداز کرنا اور ان کو دہشت گردی سے منسوب کرنا ناانصافی ہے ،ْمدارس کو درپیش تمام مسائل باہمی مشاورت سے حل کریں گے