چاند نظر آگیا،یکم صفر المظفرجمعرات 11اکتوبر کو ہوگی، مفتی منیب الرحمن

بدھ 10 اکتوبر 2018 23:12

کراچی (اُردو پوائنٹ اخبارتازہ ترین - این این آئی۔ 10 اکتوبر2018ء) مرکزی رویتِ ہلال کمیٹی پاکستان کے چیرمین مفتی منیب الرحمن نے اعلان کیا ہے کہ ماہ ِصفر المظفر1440؁ء کا چاند نظرآگیااور یکم صفر المظفرجمعرات 11اکتوبر 2018؁ء کو ہوگی ۔دریں اثنا مرکزی رویت ہلال کمیٹی پاکستان کا اجلاس دفتر محکمہٴ موسمیات(میٹ کمپلیکس) موسمیات چورنگی ، کراچی میں مفتی منیب الرحمن کے زیرِ صدارت منعقد ہوا۔

(جاری ہے)

اجلاس میںزونل رویتِ ہلال کمیٹی کے ارکان : مولانا حافظ محمد سلفی ، قاری نذیراحمد نعیمی،مولاناصابر نورانی،قاری محمد اقبال ،مولانا فیروزالدین رحمانی اور علامہ سید علی کرار نقوی نے شرکت کی ۔فنی معاونت کے لئے محکمہٴ موسمیات کے چیف میٹر ولوجسٹ عبدالرشیدنے شرکت کی ۔ کراچی ،اسلام آباد ،جہلم ،منگلا ،ژوب، نورپور تھل ،جوہر آباد اور دیگر مقامات سے رویت کی شہادتیں موصول ہوئیں ، مرکزی کمیٹی نے خود چاند دیکھا ،لہٰذا اتفاقِ رائے سے فیصلہ کیا گیاکہ یکم صفر المظفرجمعرات 11اکتوبر 2018؁ء کو ہوگی ۔