سپریم جوڈیشل کونسل نے چیف جسٹس اسلام آبادہائی کورٹ کو کلین چٹ دیدی

محمد انور کانسی ضابطہ اخلاق کی خلاف ورزی کے مرتکب نہیں ہوئے ،اعلامیہ

جمعہ 12 اکتوبر 2018 17:49

اسلام آباد(اُردو پوائنٹ اخبارتازہ ترین - آن لائن۔ 12 اکتوبر2018ء) سپریم جوڈیشل کونسل نے چیف جسٹس اسلام آباد ہائی کورٹ کے چیف جسٹس محمد انور کانسی کو کلین چٹ دیدی ہے ۔ سپریم جوڈیشل کونسل کی جانب سے جاری اعلامیہ کے مطابق گزشتہ روز چیف جسٹس میاں ثاقب نثار کی زیر صدارت سپریم جوڈیشل کونسل کا اجلاس ہوا ۔ جس میںچیف جسٹس اسلام آباد ہائی کورٹ جسٹس انور کانسی کیخلاف چار شکایات کا جائزہ لیاگیا۔

(جاری ہے)

اعلامیہ میں بتایا گیا ہے کہ تمام شکایات کا تفصیلی جائزہ لیا گیا ،کونسل نے قرار دیا کہ چیف جسٹس اسلام آباد ہائی کورٹ ضابطہ اخلاق کی خلاف ورزی کے مرتکب نہیں ہوئے، کونسل نے چیف جسٹس اسلام آباد ہائی کورٹ کیخلاف تمام شکایات خارج کر دی ہیں۔واضح رہے کہ گزشتہ روز ہی سپریم جوڈیشل کونسل نے اسلام آباد ہائیکورٹ کے سینئر جج جسٹس شوکت عزیز صدیقی کو متنازع بیان پر عہدے سے ہٹانے کی سفارش کی تھی جس کی صدر مملکت سے منظوری کے بعد انہیں عہدے سے ہٹادیا گیا ہے۔۔۔۔توصیف