نیب کا لاہور میں چھاپہ، سابق سرکاری افسرخواجہ وسیم حسن گرفتار ، گھر سے 33 کروڑ روپے برآمد

جمعہ 9 نومبر 2018 23:26

لاہور(اُردو پوائنٹ اخبارتازہ ترین - آن لائن۔ 09 نومبر2018ء) نیب کی ٹیم نے ایک سابق سرکاری افسر کے گھر پر چھاپہ مار کر 33 کروڑ روپے برآمد کر لیے۔خواجہ وسیم کوحسن گرفتارکر لیاگیا میڈیا رپورٹس کے مطابق نیب لاہور کی ٹیم نے 16 گریڈ کے سابق سرکاری افسر کے گھر پر چھاپہ مار کر چھپائے گئے 33 کروڑ روپے برآمد کر لیے۔

(جاری ہے)

اور بورڈ آف ریونیو میں گریڈ 16 کے ملازم خواجہ وسیم حسن کو گرفتارکر لیا ہے نیب حکام کے مطابق برآمد کی گئی رقم میں 10 کروڑ روپے مالیت کی پاکستانی کرنسی ہے جب کہ 17 کروڑ روپے پرائز بانڈز کی شکل میں ہیں۔

حکام کے مطابق برآمد کی گئی رقم میں تین کروڑ روپے مالیت کی 11 مختلف ممالک کی کرنسیاں بھی شامل ہیں۔نیب حکام کا کہنا ہے کہ ملزم کی ملکیت میں مبینہ طور پر کثیر جائیدادوں کے شواہد بھی حاصل ہو رہے ہیں، ڈائریکٹر جنرل نیب نے ملزم کے خلاف آمدن سے زائد اثاثہ جات سے متعلق انکوائری کے احکامات بھی جاری کر دیے ہیں۔خواجہ وسیم حسن کے بھائی خواجہ شہزاد حسن کو بھی شامل تفتیش کیا جائے گا ۔