القدس متنازعہ علاقی،آسٹریلیا اپنا سفارتخانہ منتقل نہ کرے ،ملائیشین وزیراعظم کا انتباہ

امریکہ اور آسٹریلیا سمیت کسی بھی دوسرے ملک کو اپنے سفارتخانے القدس منتقل کرنے کا کوئی حق نہیں،مہاتیرمحمد

اتوار 18 نومبر 2018 13:20

کوالالمپور(اُردو پوائنٹ اخبارتازہ ترین - این این آئی۔ 18 نومبر2018ء) ملائیشیا کے وزیراعظم مہاتیر محمد نے آسٹریلیا کو خبردار کیا ہے کہ اگر اس نے اسرائیل میں قائم اپنا سفارتخانہ القدس منتقل کیا تو اس کے خطرناک نتائج سامنے آئیں گے۔

(جاری ہے)

القدس ایک متنازعہ علاقہ ہے، جب تک اس کا تنازعہ دور نہیں کیا جاتا اس وقت تک امریکہ اور آسٹریلیا سمیت کسی بھی دوسرے ملک کو اپنے سفارتخانے القدس منتقل کرنے کا کوئی حق نہیں۔

مرکز اطلاعات فلسطین کے مطابق ملائیشیا کے وزیراعظم نے کہا کہ آسٹریلوی سفارتخانے کی القدس منتقلی اسرائیلی ریاستی دہشتگردی کی حمایت اور قضیہ فلسطین کو نقصان پہنچانے کی سازش تصور کیا جائیگا۔مہاتیر محمد کا کہنا تھا کہ انہوںنے اپنے آسٹریلوی ہم منصب سکوٹ موریسن سے کہا ہے کہ وہ سفارتخانہ القدس منتقل کرنے سے گریز کریں ورنہ اس کے خطرناک نائج سامنے آئیں گے۔