ربیع الاول ہمارے لئے نہایت رحمتوں اور برکتوں کا مہینہ ہے، فرخ حبیب

بدھ 21 نومبر 2018 16:10

اسلام آباد ۔ (اُردو پوائنٹ اخبارتازہ ترین - اے پی پی۔ 21 نومبر2018ء) پارلیمانی سیکرٹری ریلوے فرخ حبیب نے عید میلاد النبی ؐکے موقع پر کہا ہے کہ ربیع الاول ہمارے لئے نہایت رحمتوں اور برکتوں کا مہینہ ہے ہمیں سرور کائناتؐ کی تعلیمات پر عمل کرنا چاہیئے ۔

(جاری ہے)

بدھ کے روز جاری بیان میں انہوں نے کہا کہ معلم انسانیتؐ صرف مسلمانوں کے لئے ہی مبعوث نہیں ہوئے بلکہ تمام جہانوں کے لئے رحمتہ اللعلمین بن کر تشریف لائے۔انہوں نے کہا کہ اس ماہ اقدس میں ہماری ذمہ داری ہے کہ ہم حضرت محمد ؐکی سنتوں پرعمل کرنے کے ساتھ آپس میں حسن اخلاق اور رواداری کو عام کریں ۔انہوں نے کہا کہ ریاست مدینہ کا تصور ہم سب کے لئے آئیڈیل ہے اور پاکستان ، ریاست مدینہ میں ضرور تبدیل ہو گا۔