نیب کیس میں زیر حراست ملزم شہباز شریف کی اسلام آباد میں رہائش گاہ کو سب جیل قرار دیدیا گیا

پیر 10 دسمبر 2018 17:54

اسلام آباد ۔ (اُردو پوائنٹ اخبارتازہ ترین - اے پی پی۔ 10 دسمبر2018ء) نیب کیس میں زیر حراست ملزم قومی اسمبلی میں قائد حزب اختلاف میاں محمد شہباز شریف کی اسلام آباد میں رہائش گاہ کو سب جیل قرار دیدیا گیا۔ اس حوالہ سے پیر کو چیف کمشنر اسلام آباد کی جانب سے باضابطہ نوٹیفکیشن جاری کردیا گیا ہے۔

(جاری ہے)

چیف کمشنر اسلام آباد آفس کی طرف سے جاری نوٹیفکیشن کے مطابق چیف کمشنر اسلام آباد نے اپنے اختیارات بروئے کار لاتے ہوئی10 دسمبر 2018ء سے قومی اسمبلی کے رواں سیشن کے اختتام تک منسٹر انکلیو ہائوس نمبر 26 اسلام آباد کو انڈر ٹرائل ملزم میاں شہباز شریف کیلئے سب جیل قرار دیا ہے، ان کی حفاظت پر آئی سی ٹی پولیس مامور ہوگی۔