مقبوضہ کشمیر میں انسانی حقوق کی پامالیوں، نہتے کشمیریوں کیخلاف جرائم کی تحقیقات کیلئے اقوام متحدہ کا تحقیقاتی کمیشن قائم کیا جائے، شاہ محمود قریشی
کشمیری حق خود ارادیت کیلئے بھارتی وحشت اور بربریت کا پامردی سے مقابلہ کررہے ہیں،پاکستان اقوام متحدہ کے بین الاقوامی انسانی حقوق کے طریقہ ہائے کارکوآگے بڑھانے میں اپنا تعمیری اورمثبت کردارجاری رکھے گا، وزیر خارجہ کا اقوام متحدہ کے انسانی حقوق ڈکلیئریشن کے 70 سال مکمل ہونے پرپیغام
پیر 10 دسمبر 2018 22:09
(جاری ہے)
انہوں نے کہا کہ مقبوضہ کشمیر میں بھارتی افواج کے طاقت کے بے رحمانہ استعمال ،انسانی حقوق کی منظم پامالیوں کی اقوام متحدہ، اوآئی سی اوربرطانوی پارلیمان کے آل پارٹیز گروپ برائے کشمیر نے بھی باضابطہ تصدیق کی ہے۔
انہوں نے کہا کہ ایک ایسے وقت میں جب دنیا بھر میں انسانی حقوق کی بہتری کے ضمن میں پیشرفت دیکھنے کو مل رہی ہے ایسے میں ہمیں ان کشمیریوں کو نہیں بھولنا چاہیے جو اس صدی اوراس دورمیں بھی غیر ملکی تسلط کے زیرسایہ جبر کی زندگی گزارنے پر مجبورہیں۔ انہوں نے کہا کہ انسانی حقوق کے عالمی اعلامیہ کی سالگرہ کے موقع پرہم مقبوضہ جموں وکشمیر کے بہادر عوام کو خراج تحسین پیش کرتے ہیں جو اپنے جائز حق خودارادیت کیلئے بھارتی وحشت اوربربریت کا پامردی سے مقابلہ کررہے ہیں۔ انہوں نے کہا کہ 1948 ء میں آج ہی کے دن عالمی برادری نے انسان کی آزادی، وقار اورمساوی حقوق پر اتفاق ظاہرکیا تھا ۔ انہوں نے کہا کہ اس اعلامیہ نے بیرونی قبضہ اورتسلط کے خلاف آزادی کی تحاریک کو آگے بڑھانے، سنگین انسانی حقوق کی پامالیوں کی روک تھام اورآزادی کے بنیادی حق کے حصول میں کلیدی کرداراداکیا۔ انہوں نے کہاکہ انسانی حقوق کی اس اہم دستاویز کے مسودہ کی تیاری میںمیں بیگم شائستہ اکرام اللہ کی خدمات پر پاکستان کو فخر ہے۔ وزیرخارجہ نے کہاکہ ہم سمجھتے ہیں اورپاکستان کا یہ موقف ہے کہ غربت اور ناانصافیوں میں کمی ، صحت وتعلیم تک یکساں رسائی ، پینے کیلئے صاف پانی کی فراہمی اور سینی ٹیشن، ماحولیات کے تحفظ، انسانی وقار کے احترام کو یقینی بنانے، انصاف ، مساوات اورامن واستحکام کو یقینی بنانے سمیت جامع طرز عمل کے ذریعے تمام انسانوں کے شہری، سیاسی، اقتصادی، معاشی، سماجی اورثقافتی حقوق کویقینی بنایا جاسکتا ہے۔ وزیرخارجہ نے کہاکہ بابائے قوم قائداعظم محمدعلی جناحؒ نے انسانی عظمت ووقار، مساوات، انصاف اورمعاشرے کے تمام طبقات کے بنیادی حقوق کے تحفظ کیلئے رہنماء اصول دیئے ہیں۔ بابائے قومؒ کے ان رہنماء اصولوں کو پاکستان کے دستوراورقوانین کا لازمی جزوبنایا گیاہے، ہماری آزادعدلیہ، آزادمیڈیا اورفعال سول سوسائٹی انسانی بنیادی انسانی حقوق کے محافظین کے طورپر اپنی ذمہ داریاں اداکررہی ہیں۔ انہوں نے کہا کہ نے کہاکہ پاکستان اقوام متحدہ کے بین الاقوامی انسانی حقوق کے طریقہ ہائے کارکوآگے بڑھانے میں اپنا تعمیری اورمثبت کردارجاری رکھے گا۔انہوں نے کہاکہ ملکی طورپرپاکستان نے انسانی حقوق کے تحفط کو یقینی بنانے کیلئے قانون سازی سمیت اہم پالیسی نوعیت کے جامع اقدامات کئے ہیں۔ انہوں نے کہا کہ پاکستان اقوام متحدہ کے انسانی حقوق کے اعلامیہ اوران کے مقاصدکو آگے بڑھانے کیلئے ملکی اورعالمی سطح پر کام کرنے میں پرعزم ہے۔ انہوں نے کہا کہ دنیا کو اس وقت دہشت گردوں اورانتہاپسندوں کے سنگین اوروسیع ترحملوں، پاپولسٹ انتخابی سیاست، نفرت اورعصبیت، عدم برداشت ، گاوکشی پرتشدد، حجاب پہننے والی خواتین کیخلاف جرائم سمیت بے شمار چیلنجز کاسامنا ہے، ہمیں ان سے نمٹنے کیلئے متحدرہنے کی زیادہ ضرورت ہے۔مزید اہم خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.