امریکہ ،ْعدالت نے فحش اداکارہ کو امریکی صدر ڈونلڈ ٹرمپ کے 4کروڑ روپے دینے کا حکم دے دیا

بدھ 12 دسمبر 2018 23:02

واشنگٹن(اُردو پوائنٹ اخبارتازہ ترین - این این آئی۔ 12 دسمبر2018ء) ،ْعدالت نے فحش اداکارہ کو امریکی صدر ڈونلڈ ٹرمپ کے 4کروڑ روپے دینے کا حکم دے دیا۔میڈیا رپورٹ کے مطابق سٹارمی ڈینیئلز کے وکیل عدالت میں یہ ثابت کرنے میں ناکام رہے کہ اداکارہ کو کسی طرح کی دھمکیاں مل رہی ہیں۔ اس پر لاس اینجلس کی عدالت نے اکتوبر میںمقدمہ خارج کر دیا تھا۔یہ مقدمہ خارج ہونے پر صدر ٹرمپ کے وکیل چارلس ہارڈر نے سٹارمی ڈینیئلز کے خلاف ہتک عزت کا دعویٰ دائر کر دیا جس کا فیصلہ سناتے ہوئے اب عدالت نے اداکارہ کو حکم دیا ہے کہ وہ قانونی اخراجات کی مد میں صدر ٹرمپ کو 2لاکھ 93ہزار ڈالر (تقریباً 4کروڑ روپی) ادا کرے۔

چارلس ہارڈر کی طرف سے 3لاکھ 90ہزار ڈالر ہرجانے کا مطالبہ کیا تھا تاہم عدالت نے اس میں 25فیصد کمی کردی گئی۔

(جاری ہے)

اداکارہ کی طرف سے دائر کیا گیا ایک اور مقدمہ ابھی عدالت میں زیر سماعت ہے جس میں انہوں نے موقف اختیار کر رکھا ہے کہ صدر ٹرمپ کے ساتھ ان کا جنسی تعلق رہ چکا ہے۔ جب صدر ٹرمپ نے اپنی صدارتی مہم شروع کی تو ان کی طرف سے اداکارہ کو 1لاکھ 30ہزار ڈالر اداکیے گئے او رمعاہدہ کیا گیا کہ وہ اس تعلق کے بارے میں زبان نہیں کھولیں گی۔ اب اداکارہ مقدمہ دائر کر رکھا ہے کہ وہ صدر ٹرمپ کے ساتھ ہونے والا ’زبان بندی‘ کا معاہدہ ختم کرنا چاہتی ہے، اس کی اجازت دی جائے۔