سکھر پولیس کیجانب سے جرائم پیشہ افراد کیخلاف کچے کے علاقے میں سرچ آپریشن ،15سے زائد مشتبہ افراد زیر حراست

جمعرات 17 جنوری 2019 01:50

سکھر۔16جنوری(اُردو پوائنٹ اخبارتازہ ترین - اے پی پی۔ 17 جنوری2019ء) سکھر پولیس کیجانب سے ضلع میں امن امان کی صورتحال کو مستحکم رکھنے اور جرائم پیشہ افراد کا قلع قمع کرنے کیلئے کچے کے علاقے میں سرچ آپریشن جاری ہے،بدھ کے روز 15 سے زائد مشتبہ افراد کو زیر حراست لیکر کے بھاری تعداد میں غیرقانونی اسلحہ مسروقہ موٹرسائیکلز برآمد کی گئی ہیں، پولیس ترجمان کے مطابق مختلف علاقوں میں سرچ اینڈ کلین آپریشن کے دوران ڈاکوؤں کی تمام تر محفوظ پناہ گاہیں اور کمین گاہیں نذرآتش کر دی گئی ہیں، آپریشن میں آسانی کیلئے ہموار راستوًں کو کلیئر کردیا گیا ہے، جاری آپریشن میں تلاشی کا عمل بھی جاری ہے،ڈاکوؤں کی دریائی راستے سے راہ فرار مسدوم بنانے کیلئے لائیو بوٹس کا انتظام کیا گیا ہے ، گرفتار ملزمان کے قبضے سے بھاری تعداد میں غیر اسلحہ برآمد کیا گیا ہے ،مشتبہ افراد سے مزید تفتیش جاری ہے