وزیراعلیٰ خیبرپختونخوا کو پشاور یونیورسٹی کیمپس سانحہ پر قائم پارلیمانی کمیٹی کی رپورٹ پیش کردی

جمعہ 18 جنوری 2019 19:15

پشاور(اُردو پوائنٹ اخبارتازہ ترین - این این آئی۔ 18 جنوری2019ء) وزیراعلیٰ خیبرپختونخوا محمود خان کو پشاور یونیورسٹی کیمپس سانحہ پر قائم پارلیمانی کمیٹی کی رپورٹ پیش کردی گئی۔پارلیمانی کمیٹی کے چیئرمین صوبائی وزیرقانون سلطان محمد خان نے وزیراعلیٰ ہائوس پشاور میں رپورٹ پیش کی۔

(جاری ہے)

کمیٹی کے دیگر اراکین ایم پی ایز نگہت اورکزئی، سردار حسین بابک،خلیق الرحمان، عارف احمدزئی، محمود بٹانی اور نذیر عباسی بھی اس موقع پر موجو دتھے ،وزیراعلیٰ نے کمیٹی کی سفارشات پر عمل درآمد کرنے کا یقین دلایا۔انہوں نے کہا کہ تعلیمی اداروں میں میرٹ کا فروغ اور تعلیم دوست ماحول کی فراہمی ترجیح ہے۔طلبا ہمارا اثاثہ اور مستقبل ہیں ،ان کے مسائل کا حل یقینی بنائیں گے۔