ْ پاکستان کی افغانستان کو برآمدات میں رواں مالی سال کے دوران 17.68 فیصد کمی ہوئی، سٹیٹ بینک

منگل 22 جنوری 2019 14:56

اسلام آباد (اُردو پوائنٹ اخبارتازہ ترین - اے پی پی۔ 22 جنوری2019ء) رواں مالی سال کے دوران پاکستان کی افغانستان کو برآمدات میں 17.68 فیصد کی کمی ریکارڈ کی گئی ہے۔سٹیٹ بینک آف پاکستان کی جانب سے جاری کردہ اعدادوشمارکے مطابق جولائی سے لیکر دسمبر2018ء تک پاکستان کی جانب سے افغانستان کو608.533 ملین ڈالر کی برآمدات ریکارڈ کی گئیں جو گزشتہ مالی سال کے اسی عرصہ کے مقابلے میں 17.68 فیصد کم ہے۔

(جاری ہے)

گزشتہ مالی سال کے اسی عرصہ میں افغانستان کو برآمدات سے پاکستان نے 739.233 ملین ڈالرکا زرمبادلہ حاصل کیا تھا۔ اعدادوشمارکے مطابق اس عرصہ میں افغانستان سے درآمدات میں 20.47 فیصد کی کمی ریکارڈ کی گئی۔مالی سال کے ابتدائی چھ ماہ میں پاکستان نے افغانستان سے درآمدات پر85.123 ملین ڈالر کازرمبادلہ خرچ کیا۔ گزشتہ مالی سال کے اسی عرصہ میں افغانستان سے درآمدات پر پاکستان نے 70.655 ملین ڈالر کازرمبادلہ صرف کیا تھا۔دسمبر کے دوران افغانستان کو برآمدات سے پاکستان نے 74.193 ملین ڈالر کازرمبادلہ کمایا ، دسمبر 2017 ء میں افغانستان کو برآمدات سے پاکستان نے 163.164 ملین ڈالرکا زرمبادلہ کمایا تھا۔