شیخ رشید پبلک اکاؤنٹس کمیٹی کے رکن نہیں بنیں گے ،ان کے آنے سے ماحول خراب ہو گا،ریاض فتیانہ

پیر 4 فروری 2019 23:12

اسلام آباد (اُردو پوائنٹ اخبارتازہ ترین - آن لائن۔ 04 فروری2019ء) رکن قومی اسمبلی ریاض فتیانہ نے کہا ہے کہ شیخ رشید پبلک اکاؤنٹس کمیٹی کے رکن نہیں بنیں گے ان کے آنے سے ماحول خراب ہو گا جبکہ وفاقی کابینہ میں سے کوئی بھی وزیر شیخ رشید کو پی اے سی کا ممبر نہیں دیکھنا چاہتا۔ وہ پہلے وزارت سے مستعفیٰ ہوں ۔

(جاری ہے)

میڈیا رپورٹس کے مطابق تحریک انصاف کے رہنما ریاض فتیانہ نے کہا ہے کہ وفاقی وزیر ریلوے شیخ رشید پی اے سی کے ممبر نہیں بنیں گے اگر وہ پبلک اکاؤنٹس کمیٹی میں شامل ہوئے تو ہاتھا پائی اور ماحول خراب ہو گا جس سے میڈیا کو فلم بنانے کا موقع ملے گابطور وزیر ریلوے شیخ رشید کا رکن بننا پارلیمانی روایت کی خلاف ورزی ہے دنیا کی کسی پارلیمنٹ میں وزیر پبلک اکاؤنٹس کمیٹی کا ممبر نہیں بن سکتا ۔

اس لئے شیخ رشید پہلے وزارت سے استعفیٰ دیں پھر پی اے سی میں آنے کی بات کریں انہوںنے کہا کہ وفاقی کابینہ کا کوئی وزیر نہیں چاہا کہ شیخ رشید پبلک اکاؤنٹس کمیٹی کا رکن بنیں۔