ڈاکٹر طاہرالقادری کی 68ویں سالگرہ، اندرون، بیرون ملک کی تنظیمات نے کیک کاٹے، سیمینارز کا انعقا د

منگل 19 فروری 2019 21:06

لاہور (اُردو پوائنٹ اخبارتازہ ترین - آن لائن۔ 19 فروری2019ء) قائد تحریک منہاج القرآن ڈاکٹر محمد طاہر القادری کی 68 ویں سالگرہ پر اندرون بیرون ملک کی تنظیمات نے کیک کاٹے اور سیمینارز منعقد کر کے ان کی علمی تحقیقی خدمات کو پر انہیں خراج تحسین پیش کیا، کیک کاٹنے کی مرکزی تقریب منہاج یونیورسٹی لاہور میں منعقد ہوئی، منہاج القرآن کے مرکزی سیکرٹریٹ میں خصوصی محفل نعت کا انعقاد ہوا،منہاج القرآن ویمن لیگ نے بھی خصوصی تقریب منعقد کی جس سے خرم نواز گنڈا پور اور مرکزی صدر فرح ناز نے خطاب کیا، ڈاکٹر طاہر القادری نے اپنے ویڈیو پیغام میں تمام کارکنان اور ذمہ داران کا شکریہ ادا کیا ،انہوں نے اپنے پیعام میں کہا کہ قرآنی انسائیکلو پیڈیا کو ہر گھر تک پہنچایا جائے یہ بھی خدمت قرآن ہے تاکہ ہر شخص اپنی اہلیت اور صلاحیت کے مطابق قرآن سے نور اور راہنمائی حاصل کر سکے۔