میگا منی لانڈرنگ اسکینڈل ،جے آئی ٹی نے تعاون نہ کرنے پر چیف سیکریٹری سندھ کو ایک اور خط لکھ دیا

جے آئی ٹی کو آبپاشی، صحت، تعلیم، زراعت، ورکس سروسز، پلاننگ ڈیولپمنٹ، خزانہ کی جانب سے معلومات نہیں دی گئیں

جمعرات 21 فروری 2019 16:47

میگا منی لانڈرنگ اسکینڈل ،جے آئی ٹی نے تعاون نہ کرنے پر چیف سیکریٹری ..

کراچی (اُردو پوائنٹ اخبارتازہ ترین - این این آئی۔ 21 فروری2019ء) میگا منی لانڈرنگ اسکینڈل کی تحقیقات میں جے آئی ٹی نے تعاون نہ کرنے پر چیف سیکریٹری سندھ کو ایک اور خط لکھ دیاہے۔

(جاری ہے)

خط میں کہا گیا ہے کہ جے آئی ٹی کو آبپاشی، صحت، تعلیم، زراعت، ورکس سروسز، پلاننگ ڈیولپمنٹ، خزانہ کی جانب سے معلومات نہیں دی گئیں، چیف سیکریٹری سندھ ان معلومات کی فراہمی ممکن بنائیں۔جے آئی ٹی کی جانب سے لکھے گئے خط میں مزید کہا گیا ہے کہ متعدد خطوط اور یاد دہانیوں کے باوجود سندھ کے 7 محکموں نے جے آئی ٹی کو مکمل ریکارڈ فراہم نہیں کیا۔سپریم کورٹ آف پاکستان کے احکامات پر میگا منی لانڈرنگ اسکینڈل میں ستمبر 2018 کو جے آئی ٹی قائم کی گئی تھی۔