آسٹریلوی ہائی کمشنر مارگریٹ ایڈمسن کی معاون خصوصی ذوالفقار بخاری سے ملاقات

نیوزی لینڈ حملوں میں متاثرہ پاکستانی خاندانوں کے ساتھ رابطے میں اہم کردار ادا کرنے پر معاون خصوصی نے شکریہ ادا کیا

جمعرات 21 مارچ 2019 19:24

اسلام آباد (اُردو پوائنٹ اخبارتازہ ترین - این این آئی۔ 21 مارچ2019ء) پاکستان میں آسٹریلوی ہائی کمشنر مارگریٹ ایڈمسن نے معاون خصوصی ذوالفقار بخاری سے ملاقات کی جس میں نیوزی لینڈ حملوں میں متاثرہ پاکستانی خاندانوں کے ساتھ رابطے میں اہم کردار ادا کرنے پر معاون خصوصی نے شکریہ ادا کیا۔زلفی بخاری نے کہاکہ شہید پاکستانیوں کے اہلخانہ کیلیے فوری ٹرانزٹ ویزا دینے پر آسٹریلوی حکومت کا شکریہ ادا کرتے ہیں۔

آسٹریلوی سفیر نے زلفی بخاری کی کوششوں کو سراہا۔

(جاری ہے)

آسٹریلوی سفیر نے کہاکہ زلفی بخاری مسلسل رابطے میں رہے۔ آسٹریلوی سفیرنے کہاکہ شہید پاکستانیوں کے اہلخانہ کو نیوزیلینڈ پہنچانے میں معاون خصوصی نے کلیدی کرداد ادا کیا۔ مارگریٹ ایڈمسن نے کہا کہ نیوزی لینڈ مساجد حملے افسوسناک ہیں ،آسٹریلوی حکومت نیوزیلینڈ حکومت کے ساتھ تعاون کر رہی ہے ۔ معاون خصوصی نے کہاکہ حملہ آور درندہ صفت ذہنیت کا مالک تھا، زلفی بخاری نے کہاکہ ہمیں نفرت آمیز رویوں کو شکست دینی ہے۔ معاون خصوصی نے کہاکہ نیوزی لینڈ کی وزیراعظم کے جذبے کو سلام پیش کرتے ہیں۔