آئی ایم ایف کی کڑی شرائط حکمرانوںکے گلے کی ہڈی بن چکی ہیں،میر نظام الدین لہڑی

پیر 20 مئی 2019 22:40

تمبو(اُردو پوائنٹ اخبارتازہ ترین - آن لائن۔ 20 مئی2019ء) جمعیت علما ء اسلام نصیرآباد کے جنرل سیکرٹری میر نظام الدین لہڑی نے کہا ہے کہ آئی ایم ایف کی کڑی شرائط حکمرانوںکے گلے کی ہڈی بن چکی ہیں عوام دشمن پالیسیوں کے باعث مہنگائی کا طوفان آچکاہے جس نے غریب لوگوں کی کمر توڑ کررکھی ہے آئی ایم ایف کے قرضے سے حکمران طبقہ عیاشی کررہاہے جبکہ عوام دووقت کی روٹی کیلئے بھی محتاج بنتے جارہے ہیں انہوںنے کہاکہ نااہل حکمرانوں اورآئی ایم ایف سے نجات کاوقت آگیا ہے کیونکہ اربوںڈالر باہر سے آنے کے باوجود کسی چیز کی قیمت میں کمی نہیں آئی بلکہ ہر چیز مہنگی ہورہی ہے روپے کی مسلسل بے قدری نے ملکی معیشت کو تباہ کررکھ دیا ہے ڈالر کی قدر میں اضافے سے اربوں ڈالر قرضے میں مزید اضافہ ہورہاہے ملک کو عملاً آئی ایم ایف کا غلام بناجارہاہے۔