ایمریٹس نے دوران پرواز ہوا میں فٹبال اسٹیڈیم کا ماحول پیدا کردیا، 40ہزار فٹ کی بلندی پر 2019یوروپا لیگ فائنل اور چیمپیئنز لیگ فائنل کے میچز براہ راست نشر
ایمریٹس نے اپنی پروازوں میں یو ای ایف اے یوروپا لیگ فائنل اور یو ای ایف اے چیمپیئنز لیگ فائنل میچز ان فلائٹ اسپورٹس چینل اسپورٹس 24 کی نشریات کے ذریعے دکھانے کا انتظام کیا ہے جو 29 مئی اور یکم جون کو بالترتیب کھیلے جارہے ہیں
بدھ 29 مئی 2019 16:33
ایمریٹس کے پاس اس وقت 175 جہازوں بشمول تمام بوئنگ 777 اور منتخب ایئربس 380 جہازوں میں لائیو ٹی وی کی سہولت موجود ہے۔ ایک اندازے کے مطابق ایمریٹس کے 70 ہزار مسافر پرواز کے دوران میچ دیکھ سکیں گے اور اتنی بڑی تعداد باکو میں اولمپک اسٹیڈیم کی گنجائش کے مساوی ہے جہاں یوروپا لیگ فائنل کھیلا جائے گا جبکہ مینڈرڈ میں وانڈا میٹروپولیٹن اسٹیڈیم میں چیمپیئنز لیگ کا فائنل کھیلا جائے گا۔
(جاری ہے)
اکانومی کلاس کے مسافر سفر کے دوران بہترین نشریات سے محظوظ ہوں گے جن کی نشستوں کے ساتھ ایوی ایشن انڈسٹری کی سب سے بڑی 13.3 انچ کی اسکرینز ہیں۔ ایمریٹس کی بزنس کلاس کی اسکرینز 23 انچ اور فرسٹ کلاس 32 انچ اسکرینز ہیں۔
ایمریٹس اپنے منتخب A380جہازوں کے شاندار لاوٴنج میں 55 انچ کی اسکرین پر لائیو میچز دکھائے گا۔ اس موقع پر فرسٹ کلاس اور بزنس کلاس کے مسافر 40 ہزار فٹ کی بلندی پر فٹبال کے شائقین کے ساتھ شامل ہوسکتے ہیں اور اپنی ٹیموں کی حوصلہ افزائی کرسکتے ہیں۔
ایمریٹس کے ایسے A380جہاز جن میں لائیو ٹی وی کی سہولت میسر نہیں وہاں مسافر اعزازی وائی فائی کے ذریعے براہ راست اسکور سے اپ ڈیٹ رہ سکیں گے۔ وائی فائی کنکٹویٹی تمام ایمریٹس جہازوں پر دستیاب ہے۔ تمام کیبن کے کلاسز میں مسافر 20MBکا مفت وائی فائی ڈیٹا یا پھر میسجنگ ایپلی کیشنز کو 2 گھنٹے تک بھرپور استعمال کرسکتے ہیں جس کی بدولت وہ اپنے دوستوں، اہل خانہ اور ساتھیوں سے رابطے میں رہ سکیں گے۔ ایمریٹس اسکائی وارڈز کے اراکین بھی اپنی ممبرشپ ٹیئر اور ٹریول کلاس پر خصوصی سہولیات سے فائدہ اٹھائیں گے جن میں مفت وائی فائی شامل ہے ،چاہے وہ فرسٹ کلاس میں سفر کررہے ہوں یا پھر بزنس کلاس میں محو سفر ہوں۔
اگلے ماہ ایمریٹس کے ساتھ سفر کرنے والے اسپورٹس شائقین اسپورٹس 24 چینل پر این بی اے فائنلز، دی فرینچ اوپن اور فیفا ویمنز ورلڈ کپ فائنل کے لائیو میچز دیکھ سکیں گے۔
لائیو ٹی وی کے ساتھ ایمریٹس کے ایوارڈ یافتہ انٹرٹینمنٹ سسٹم آئس میں مسافروں کے لئے 4 ہزار سے زائد آن ڈیمانڈ انٹرٹینمنٹ چینلز ہیں جن میں مشہور موویز اور ٹی وی شوز کے ساتھ اسپورٹس کے شائقین کے لئے بھی آن ڈیمانڈ مواد موجود ہے اور مسافر اسپورٹس ڈاکومنٹریز کا بھی انتخاب کرسکیں گے۔
متعلقہ عنوان :
مزید کھیلوں کی خبریں
-
جنوبی افریقہ نے ٹی ٹونٹی ورلڈ کپ 2024ء کے لیے سکواڈ کا اعلان کر دیا
-
ٹی ٹونٹی میں ناقص کارکردگی کی بنیاد پر ون ڈے ٹیم سے ڈراپ کرنے پرمایوسی ہوئی : خوشدل شاہ
-
’ہندوستانی امیر لوگ ، وہ غریب ممالک کی ٹی ٹونٹی لیگز میں نہیں کھیلنا چاہتے‘: وریندر سہواگ کا متکبرانہ بیان
-
آل واپڈاانٹریونٹ کبڈی ایشین سٹائل ٹورنامنٹ فیسکو گراؤنڈ میں جاری
-
ٹی ٹونٹی ورلڈ کپ سے قبل رضوان، اعظم خان، حارث رئوف کی انجری کی اپ ڈیٹ سامنے آگئی
-
سلمان بٹ نے بھی ٹی20 ورلڈکپ کیلئے اپنے 15 رکنی سکواڈ کا انکشاف کردیا
-
لنکن پریمئیر لیگ، نسیم شاہ سمیت سینکڑوں کھلاڑیوں نے رجسٹریشن کروالی
-
کاؤنٹی کرکٹ، شان مسعود کا جوئے کی تشہیر سے گریز
-
جیسن گلیسپی پاکستان کو ایک مستقل مزاج ریڈ بال ٹیم بنانے کے خواہشمند
-
بابر اعظم ،ویرات کوہلی کا ایک اور ریکارڈ توڑنے کے قریب
-
پہلی وزیراعلیٰ پنجاب پنک گیمز کا افتتاح وزیراعلیٰ پنجاب مریم نواز شریف 2مئی کو کریں گی
-
پاکستان کرکٹ بورڈ نے پاکستان ٹیم کےلیےغیرملکی کوچز کا اعلان کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.