ترکی میں 2 ہزار سال قدیم رومی گلیڈیٹر کا اکھاڑا دریافت
امین اکبر ہفتہ 20 جولائی 2019 22:33
روسی گلیڈیٹرز کی قصے فلموں اور کہانیوں میں عام ہیں۔ ایک وقت تھا جب ایسی لڑائیاں رومی سلطنت میں عام تھیں۔ ان لڑائیوں کے حقیقی ہونے کا ثبوت ترکی کے ماہرین آثار قدیمہ نے دریافت کیا ہے۔ماہرین آثار قدیمہ نے ترکی کے جنوبی صوبے آدانا کے ڈیلیکایا گاؤں میں تقریباً 2 ہزار سال قدیم اکھاڑا دریافت کیا ہے۔
خبروں کے مطابق چوکوروا یونیورسٹی کے فتح گلشن کی سربراہی میں ماہرین آثار قدیمہ نے 2000 سال پرانے شہر اناورزا، جسے انازربس کے نام سے بھی جانا جاتا ہے، کی کھدائی کی۔
گلشن نے بتایا کہ انہیں 1 ملین لیرا بجٹ دیا گیا تھا۔ یونیورسٹی کا آثار قدیمہ کا ڈیپارٹمنٹ اس بجٹ میں گزشتہ 14 ماہ سے اس جگہ کی کھدائی کر رہا ہے۔
(جاری ہے)
گلشن نے بتایا کہ یہ قدیم شہر اناطولیہ کی سب سے بڑی آبادی تھی۔ اس شہر میں گرجے، پتھر کے مقبرے، آب ریز (نالیاں) ، پچی کاری کے نمونے، تھیٹر، قلعے اور محرابیں بھی تھیں۔
اس شہر میں 22.5 میٹر (74 فٹ) لمبی اور 10.5 میٹر (35 فٹ) اونچی فتح کی محراب تھی، جسے تیسری صدی میں رومیوں کی ایرانیوں کے خلاف فتح کی یادگار کے طور پر بنایا گیا تھا۔
اناورزا فارسی زبان کا لفظ ہے جس کا مطلب ناقابل تسخیر ہوتا ہے۔ اس تاریخی شہر میں ایک اور منفرد چیز بھی تھی۔ اس قدیم شہر میں دو رویہ سڑک بھی تھی۔
اس شہر میں واقع فتح کی محراب 2015 میں دریافت ہوئی تھیں۔ یہ اصل میں تین محرابیں تھیں، جن میں سے دو آج بھی موجود ہیں۔ آثار قدیمہ کی بحالی کے ماہرین جدید آلات سے ان کی بحالی کے لیے تحقیق کر رہے ہیں۔
گلشن نے بتایا کہ یہ شہر شہنشاہ آگسٹس کے زمانے میں 19 قبل مسیح میں تعمیر کیا گیا تھا۔ یہاں قدیم دور کی دو رویہ سڑک بھی موجود ہے۔یہ سڑک 34 میٹر (111 فٹ) چوڑی اور 2700 میٹر (8858فٹ) طویل ہے۔اسے دنیا کی قدیم ترین اور پہلی گلی کہا جاتا ہے۔اس گلی کی دواطراف کو 1.5میٹر یا 5 فٹ اونچے کھمبوں سے سجایا گیا تھا۔
اگر گلشن کی کھدائی کی مہم میں صرف پانچویں صدی کا گرجا بھی دریافت ہوتا تو یہ بڑی دریافت تھی۔یہ گرجا ایک مندر پر بنایا گیا تھا۔گلشن کا خیال ہے کہ یہ بابائے فارمیسی دیوسکوریدس کے لیے بنایا گیا تھا۔
وہ اس شہر میں پیدا ہوئے تھے۔ انہوں نے 50 پودوں سے 1000 کے قریب ادویات بنائیں۔اس شہر میں صرف گلیڈیٹرز کا اکھاڑا ہی نہیں تھا۔یہاں بہترین طبیب اور ماہرین تعمیرات بھی تھے۔اس شہر کو یونیسکو نے عارضی طور پر عالمی ورثے کی فہرست میں شامل کر لیا ہے۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.