جنوبی ایشیاء میں پاکستان کا کردار انتہائی اہم ہے، خطے میں امن کے قیام کے لئے وزیراعظم عمران خان کی خدمات کا خیرمقدم کرتے ہیں، عمران خان نے افغان مسئلے کا تاریخی حل تجویز کیا، پاکستان اور امریکہ کے تعلقات مزید مضبوط اور مستحکم ہوں گے

واشنگٹن ۔ (اُردو پوائنٹ اخبارتازہ ترین - اے پی پی۔ 24 جولائی2019ء) امریکی اراکین کانگریس نے کہا ہے کہ جنوبی ایشیاء میں پاکستان کا کردار انتہائی اہم ہے، خطے میں امن کے قیام کے لئے وزیراعظم عمران خان کی خدمات کا خیرمقدم کرتے ہیں، عمران خان نے افغان مسئلے کا تاریخی حل تجویز کیا، پاکستان اور امریکہ کے تعلقات مزید مضبوط اور مستحکم ہوں گے۔ان خیالات کا اظہار انہوں نے وزیراعظم عمران خان کی امریکی ایوان نمائندگان کیپیٹل ہل آمد کے موقع پر اظہارخیال کرتے ہوئے کیا۔

(جاری ہے)

شیلا جیکسن سمیت دیگر اراکین کانگریس نے کہا کہ جنوبی ایشیاء میں پاکستان کا کردار انتہائی اہم ہے، خطے میں امن کے قیام کے لئے وزیراعظم عمران خان کی خدمات کا خیرمقدم کرتے ہیں۔ انہوں نے کہا کہ پاکستان کے ساتھ تعلیم، قابل تجدید توانائی کے شعبے میں تعاون کریں گے، افغانستان میں قیام امن کے لئے وزیراعظم کی خدمات قابل ستائش ہیں، دہشتگردی کے خلاف جنگ میں پاکستان نے ہزاروں قربانیاں دیں۔ انہوں نے کہا کہ وزیراعظم عمران خان نے افغان مسئلے کا تاریخی حل تجویز کیا، پاکستان اور امریکہ کے تعلقات مزید مضبوط اور مستحکم ہوں گے، پاکستان اور امریکہ کے درمیان معیشت، سیکورٹی سمیت کئی شعبوں میں مشترکہ مفادات ہیں۔