پی آئی اے کا جعلی تعلیمی اسناد کے ذریعے نوکریاں حاصل کرنے والے ملازمین کیخلاف کریک ڈائون ،متعدد نوکریوں سے فارغ

منگل 27 اگست 2019 21:53

اسلام آباد/لاہور(اُردو پوائنٹ اخبارتازہ ترین - این این آئی۔ 27 اگست2019ء) قومی ائیرلائن انتظامیہ نے ادارے میں جعلی تعلیمی اسناد کے ذریعے نوکریاں حاصل کرنے والے ملازمین کیخلاف کریک ڈائون کرتے ہوئے متعدد کو ملازمتوں سے فارغ کردیا۔تفصیلات کے مطابق پی آئی اے انتظامیہ نے جعلی تعلیمی اسناد پر نوکری حاصل کرنے والے اور ایئر لائن قوانین کی خلاف ورزی کرنیوالوں کے خلاف کریک ڈائون شروع کر دیا ہے۔

ذرائع کے مطابق جعلی تعلیمی اسناد اور غیر قانونی چھٹیاں کرنے والے فضائی میزبانوں کو نوکری سے فارغ کر دیا گیا ہے۔

(جاری ہے)

پہلے مرحلے میں شعبہ فلائٹ سروسز سے تین ایئر ہوسٹسز اور د سٹیورڈز کو فراغت کے پروانے جاری کر دئیے گئے ہیں۔ایئرہوسٹس صدف نواز، ارم قادر اور شہاب تنویر کو ایئرلائن قوانین کے برخلاف لمبی رخصت کی وجہ سے ملازمتوں سے برطرف کیا گیا۔اس کے علاوہ ایئرہوسٹس تھریسا کارڈوزا کو بی اے کی جعلی ڈگری جمع کروانے پر نوکری سے برطرف کیا گیا۔پی آئی اے انتظامیہ نے سروس ڈسپلن ریگولیشن 1985 کے تحت ایئرہوسٹس اور فلائٹ سٹیورڈ ز کو برطرف کیا۔ برطرف ملازمین کو ایئرلائن قوانین کے تحت پہلے شوکاز لیٹرز بھی جاری کئے گئے جن کا جواب داخل نہ کروایا گیا۔