حیات آباد میڈیکل کمپلیکس پشاور میں ڈاکٹروں، نرسوں، پیرا میڈیکس اور مریضوں کے تحفظ کے لیے سیفٹی کمیٹی تشکیل

بدھ 11 ستمبر 2019 13:32

پشاور (اُردو پوائنٹ اخبارتازہ ترین - اے پی پی۔ 11 ستمبر2019ء) حیات آباد میڈیکل کمپلیکس پشاور میں ڈاکٹروں، نرسوں، پیرا میڈیکس و دیگر ملازمین اور مریضوں کے تحفظ کے لیے سیفٹی کمیٹی تشکیل دے دی گئی ہے۔ کمیٹی کی رائے سے ہسپتال انتظامیہ نے حفاظتی اقدامات کیے ہیں۔

(جاری ہے)

فیسلٹی منیجر قاضی سعد کے زیرنگرانی ہسپتالوں کے تمام وارڈز اور گزرگاہوں میں آگ بجھانے والے آلات نصب کر دیئے گئے ہیں جس کے لیے ریسکیو1122کے اہلکاروں نے عملے کو تربیت دی جس میں ریسکیو1122کے خلیل الرحمن فائر اینڈ سیفٹی کے کوآرڈینیٹر عنایت الرحمن، میڈیکل اینڈ سیفٹی کے بدر منیر نے ہسپتال سکیورٹی اہلکاروں اور عملے کو مشق کے ذریعے آگ بجھانے کے آلات کے استعمال کی تربیت دی۔

انتظامیہ نے ہنگامی حالات میں نکلنے کے لیے 4 مقامات مقرر کئے ہیں۔