انسانی سمگلنگ اور جبری مشقت کی روک تھام کیلئے تارکین وطن کا ذہن تبدیل کرنے کی ضرورت ہے، کنسلٹنٹ آئی ایل او ہینز وان دی گلینڈ

جمعرات 19 ستمبر 2019 21:16

اسلام آباد ۔ (اُردو پوائنٹ اخبارتازہ ترین - اے پی پی۔ 19 ستمبر2019ء) عالمی ادارہ برائے محنت (آئی ایل او) کے کنسلٹنٹ ہینز وان دی گلینڈ نے کہا ہے کہ انسانی سمگلنگ اور جبری مشقت کی روک تھام کیلئے آگاہی پیغامات کے ذریعے تارکین وطن کا ذہن تبدیل کرنے کی ضرورت ہے۔ یہ بات انہوں نے جمعرات کو یہاں ریکروٹمنٹ فریم ورک کی بہتری کی غرض سے گلوبل ایکشن منصوبے کے تحت ایک روزہ گول میز مشاورت کے دوران اظہار خیال کرتے ہوئے کہی۔

(جاری ہے)

مشاورت میں ملک میں شفاف ریکروٹمنٹ کیلئے انٹر نیشنل لیگل فریم ورک اور سٹیک کے معاملات کاجائزہ لینے والے متعلقہ افراد نے شرکت کی۔وان گلینڈ نے کہا کہ آئی ایل او نے ریکروٹمنٹ عمل کے دوران ذلت آمیز سلوک اور دھوکہ دہی سے بچانے کیلئے محنت کشوں کے حقوق کا تحفظ کیا ہے۔انہوں نے کہا کہ کثیر الجہتی سٹیک ہولڈرز کو ریکروٹمنٹ کے طریقہ کار کو منصفانہ یقینی بنانے کیلئے حکومتوں اور نجی سیکٹر کیساتھ اپنا کردار موثر انداز میںادا کرنا چاہیئے۔