مظفرگڑھ ،پسند کی شادی کے لئے گھر سے بھاگنے والی لڑکی کو معززین علاقہ نے والدین کو واپس کرا دیا

پیر 30 ستمبر 2019 22:56

مظفرگڑھ ۔ (اُردو پوائنٹ اخبارتازہ ترین - اے پی پی۔ 30 ستمبر2019ء) پسند کی شادی کے لئے گھر سے بھاگنے والی لڑکی کو معززین علاقہ نے والدین کو واپس کرا دیا۔

(جاری ہے)

تھانہ خان گڑھ کے نواحی علاقہ میراں حیات یونین کونسل ٹھٹھہ قریشی کے رہائشی خادم حسین کی 21 سالہ لڑکی سمیرا مائی والدین کی طرف سے اس کی پسند کی شادی کرنے سے انکار پر گھر سے چلی گئی جسے ڈیرہ غازی خان میں کام کرنے والے نوجوان محمد وسیم نے اپنے والد مشتاق احمد خان کے حوالے کر دیا جس نے حلقہ این اے 184 مظفرگڑھ کے سینئر سیاسی رہنماء رانا امجد علی امجد ایڈووکیٹ کو معاملہ سے آگاہ کیا۔

جنہوں نے معززین علاقہ سابق کونسلر یونین کونسل عبدالوحید خان، فضل حسین کھوکھر، غلام یسین، مشتاق احمد خان و دیگران کی موجودگی میں لڑکی کو اس کے والد اور عزیزوں سے تحریری ضمانت لیکر اسے ان کے حوالے کرا دیا۔