سارک ممالک کو تجارت کے فروغ کیلئے نان ٹیرف رکاوٹوں کے خاتمہ اور بزنس ٹو بزنس روابط بڑھانے پر توجہ دینا ہوگی‘ افتخار علی ملک
جنوبی ایشیا میں علاقائی تجارت کی مجموعی صلاحیت کے 55 فیصد پوٹینشل کو پوری طرح سے استعمال میں نہیں لایا گیا‘سینئر نائب صدر سارک چیمبر
اتوار 20 اکتوبر 2019 13:00
(جاری ہے)
انہوں نے کہا کہ جنوبی ایشیا میں علاقائی تجارت کی مجموعی صلاحیت کے 55 فیصد پوٹینشل کو ابھی تک پوری طرح سے استعمال میں ہی نہیں لایا گیا۔
ٹیکنالوجی کی منتقلی اور تحقیق و ترقی کے تبادلے کے مشترکہ وژن کے ذریعہ ہی اس صورتحال کو بہتر بنایا جاسکتا ہے۔ ان کا کہنا تھا کہ سارک ممالک کے مابین پیچیدہ حفاظتی اقدامات اور نان ٹیرف رکاوٹوں کی وجہ سے سافٹا ( سائوتھ ایشیا فری ٹریڈ ایگریمنٹ ) بھی توقعات کے مطابق سودمند ثابت نہیں ہو سکا۔نافتخار ملک نے کہا کہ تمام 8 رکن ممالک کی سرکردہ کاروباری شخصیات کا خیال ہے کہ کاروباری برادری کے مابین قریبی تعاون علاقائی انضمام کیلئے لازمی ہے اور اسی میں تمام اسٹیک ہولڈرز کا مفاد ہے۔ سارک چیمبر کا مقصد بھی جنوبی ایشیا میں کاروباری آسانیاں پیدا کرنا اور خطے کے علاوہ باہر کے سرمایہ کاروں کو سارک ممالک میں سرمایہ کاری کی ترغیب دینا ہے۔ ہم شدت سے محسوس کرتے ہیں کہ اس طرح ہی ہم نوجوانوں کے لئے نئی ملازمتوں کی تخلیق اور غربت کے خاتمہ جیسے بڑے چیلنجوں کا مقابلہ کر سکتے ہیں۔ لیکن اس کے لئے جنوبی ایشیا کی لیڈرشپ کو اپنی موجودہ سوچ سے بالاتر ہو کر فیصلے کرنا ہونگے اور انہیں یہ بات ذہن میں رکھنا ہوگی کہ وہ دنیا کے غریب ترین ممالک کے حکمران ہیں اور خطے کو غربت سے نجات دلانا ہی ان کا مشن ہونا چاہیے۔ انہوں نے کہا کہ سیاسی بدامنی دنیا بھرکا مسئلہ ہے لہذا بزنس کمیونٹی کو اس سے آگے بڑھتے ہوئے اور غیر متوازن سیاسی حالات سے ہٹ کر کوششیں کرنا ہونگی۔ افتخار علی ملک نے کہا کہ یہ امر خوش آئند ہے کہ رکاوٹوں کے باوجود سارک چیمبر خطے میں کاروباری ماحول کو فروغ دینے کے لئے سرگرم عمل ہے اور اس کے اس کردار کو ناقدین نے بھی سراہا ہے۔ عالمی معیشت میں جنوبی ایشیا کی اہمیت کو اجاگر کرتے ہوئے انہوں نے کہا کہ روآن ایدیریسنگھے کی متحرک قیادت میں سارک چیمبر نے تجارت ، مالیات ، غربت کے خاتمے ، انسانی وسائل کی ترقی ، خواتین کو بااختیار بنانے ، بچوں کی بہبود ، دیہی ترقی ، انسداد دہشت گردی ، انسداد منشیات اور ماحولیات سمیت متعدد شعبوں میں قابل ذکر پیشرفت کی ہے۔ ایف پی سی سی آئی کے صدر دارو خان اچکزئی ، حمید اختر چڈھا ، زبیر ملک ، سیکرٹری جنرل حنا سعید اور ڈپٹی سکریٹری ذوالفقار بٹ کے علاوہ نیپال، افغانستان، سری لنکا، بنگلہ دیش سے اعلی سطح کے مندوبین اور دیگر ممبران نے اس اجلاس میں شرکت کی۔مزید اہم خبریں
-
ایل پی جی سستی کر دی گئی
-
احد چیمہ سے برطانوی ہائی کمیشن کی ڈویلپمنٹ ڈائریکٹر جو موئیر کی ملاقات، دوطرفہ تعلقا ت پر گفتگو
-
خصوصی اقتصادی زونز میں سستی بجلی کی فراہمی کو یقینی بنانے کے لئے اقدامات کی ضرور ت ہے، احسن اقبال
-
سردارایازصادق سے قطر کے سفیر کی ملاقات ،دوطرفہ تعلقا ت پر گفتگو
-
وزیر قانون و انصاف سے امپلی مینٹیشن مینارٹی رائٹس فورم اور کرسچن لائرز ایسوسی ایشن کے وفد کی ملاقات،اقلیتوں کے حقوق کے نفاذ بارے تبادلہ خیال
-
ن لیگ، پیپلزپارٹی، ایم کیوایم کے علاوہ ہرسیاسی جماعت کے ساتھ بیٹھنے کو تیار ہیں
-
قومی ترقی کی عظیم جدوجہد میں ہمارے جواں ہمت محنت کشوں کا کردار کلیدی اہمیت کا حامل ہے،یوسف رضا گیلانی
-
عمران خان سمیت کسی بھی سیاسی لیڈر سے کوئی رابطہ نہیں، شیخ رشید
-
شہبازشریف عالمی اقتصادی فورم کے خصوصی اجلاس میں شرکت کے بعد وطن واپس پہنچ گئے
-
مداخلت کیس ، سپریم کورٹ کا ہائیکورٹ کی جانب سے بھجوائی گئی تجاویز پبلک کرنے کا حکم
-
وزیراعلیٰ مریم نوازکا شادیوں میں ون ڈش پر پابندی پر سختی سے عملدرآمد کا حکم
-
آئی ایم ایف نے پاکستان میں رواں مالی سال کے دوران بے روزگاری کی شرح8 فیصد رہنے کا امکان ظاہر کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.