آصف علی زرداری کیساتھ حکومت کا مجرمانہ سلوک کسی صورت برداشت نہیں کیاجائیگا،سینیٹرروبینہ خالد

منگل 22 اکتوبر 2019 23:28

پشاور(اُردو پوائنٹ اخبارتازہ ترین - آن لائن۔ 22 اکتوبر2019ء) پاکستان پیپلزپارٹی کی صوبائی سیکرٹری اطلاعات سینیٹرروبینہ خالد نے کہاہے کہ سابق صدرآصف علی زرداری کیساتھ حکومت کا مجرمانہ سلوک کسی صورت برداشت نہیں کیاجائیگا پاکستان پیپلزپارٹی کی تاریخ گواہ ہے کہ اس کے لیڈرزنے مادرملت پرکسی قسم سودابازی نہیں کی اوراپنے ملک اوراسکے عوام کی خاطر جان کے نذرانہ پیش کئے موجودہ سلکٹڈحکومت اپنی ناکامیوں اورنااہلی کوچھپانے کی خاطر سیاسی مقدمات بناکر اپوزیشن رہنمائوں کو اسیربنارہی ہے ۔

ایک بیان میں انہوں نے کہاکہ صدرآصف علی زرداری کی طبیعت انتہائی ناساز ہے اورڈاکٹروں نے بھی انہیں ہسپتال منتقلی کامشورہ دیاہے عمران خان کی کٹھ پتلی حکومت نے صدرزرداری پر جیل کے اندر ظلم شروع کررکھاہے اگر خدانخواستہ آصف زرداری کو کچھ ہوا تو اس کی ذمہ دارموجودہ حکومت اور سلکٹڈوزیراعظم عمران خان ہونگے۔

(جاری ہے)

سینیٹرروبینہ خالد نے کہاکہ پیپلزپارٹی کاکوئی لیڈرکوئی بھی جیالاسیاسی مقدمات اور انتقامی کارروائیوں سے ڈرنے والا نہیں یہ حکومت کی خام خیال ہے کہ پی پی اس کے ڈرانے دھمکانے سے خوفزدہ ہوجائے گی انہوں نے کہاکہ پیپلزپارٹی ماضی میںوقت کے طالع آزمائوں کے سامنے ڈٹ کر کھڑی رہی ہے یہی وجہ ہے کہ آج بھی پارٹی ملک کی مقبول ترین بڑی سیاسی جماعت ہے جس کا مقابلہ سیاسی طو رپر یتیم پارٹیاں نہیں کرسکتیں سلکٹڈوزیراعظم کاجاناطے ہے اوربہت جلد پیپلزپارٹی ایک بار پھرملک کی حکمران جماعت بن کر ابھرے گی۔