لاہور ایئر پورٹ پر منشیات سمگل کرنے کی کوشش ناکام بنا دی گئی

بدھ 20 نومبر 2019 13:50

لاہور (اُردو پوائنٹ اخبارتازہ ترین - اے پی پی۔ 20 نومبر2019ء) لاہور ایئر پورٹ پر پی آئی اے سٹاف نے منشیات سمگل کرنے کی کوشش ناکام بنا دی، پی آئی اے سٹاف نے سامان بھجوانے والے خالی کنٹینر میں تین مشکوک پیکٹ نظر آنے کی بنیاد پر کارروائی کی، ترجمان پی آئی اے کے مطابق مشکوک پیکٹ کی فوری اطلاع متعلقہ ایجنسیوں کو دے دی گئی، اینٹی نارکوٹکس فورس (اے این ایف)نے معائنے کے بعد پیکٹس میں منشیات موجودگی کی نشاندہی کی۔

(جاری ہے)

پی آئی اے سٹاف کی بروقت کارروائی اور مستعدی سے منشیات مبینہ طور پرپی آئی اے کی پرواز سے بھجوانے کی کوشش ناکام ہو گئی۔ پی آئی اے حکام نے کارروائی کے بعد مزید کاروائی کے لئے پیکٹس متعلقہ ایجنسی کے حوالے کر دیئے۔