آرمی چیف جنرل قمر جاوید باجوہ کی مدت ملازمت میں توسیع کیس ،

سابق دو فوجی سربراہان کا ریکارڈ بھی طلب کیا گیا

جمعرات 28 نومبر 2019 13:40

اسلام آباد (اُردو پوائنٹ اخبارتازہ ترین - این این آئی۔ 28 نومبر2019ء) سپریم کورٹ آف پاکستان نے آرمی چیف جنرل قمر جاوید باجوہ کی مدت ملازمت میں توسیع سے متعلق کیس میں سابق دو فوجی سربراہان کا ریکارڈ بھی طلب کیا ۔ جمعرات کو چیف جسٹس آصف سعید کھوسہ کی سربراہی میں تین رکنی بینچ نے کیس کی سماعت کی ۔ دور ان سماعت سپریم کورٹ نے سابق دو فوجی سربراہان کا ریکارڈ طلب کیا ۔

(جاری ہے)

عدالت عظمیٰ نے سابق آرمی چیف جنرل اشفاق پرویز کیانی کی مدت ملازمت میں توسیع کا ریکارڈ کیا گیا ۔ عدالت نے سابق آرمی چیف جنرل راحیل شریف کی ریٹائر منٹ کے حوالے سے بھی ریکارڈ طلب کیا گیا ۔ عدالت نے کہاکہ بتایا جائے جنرل راحیل شریف کی تقرری بارے کیا طریقہ کار اختیار کیا گیا۔ اس موقع پر عدالت عظمیٰ نے پندرہ منٹ کی سماعت کرتے ہوئے کہا کہعدالت معمول کے مقدمات کے بعد آرمی چیف کی مدت میں توسیع کے مقدمے کی سماعت کرے گی۔بعد ازاں سابق آرمی چیف جنرل اشفاق پرویز کیانی اور جنرل راحیل شریف کی ملارمت کے حوالے سے متعلق ریکارڈ پیش کیا گیا