بھارتی کرکٹ بورڈ میں انتہا پسند بیٹھے ہیں، انڈیا کیساتھ برابری کی بنیاد پر بات ہوگی،احسان مانی

جمعرات 12 دسمبر 2019 18:36

راولپنڈی(اُردو پوائنٹ اخبارتازہ ترین - این این آئی۔ 12 دسمبر2019ء) پاکستان کرکٹ بورڈ کے چیئرمین احسان مانی نے کہا ہے کہ بھارتی کرکٹ بورڈ میں انتہا پسند بیٹھے ہیں۔چیئرمین پاکستان کرکٹ بورڈ احسان مانی نے راولپنڈی کرکٹ اسٹیڈیم کا دورہ کیا اور انتظامات کا جائزہ لیا۔

(جاری ہے)

اس موقع پر میڈیا سے گفتگو کرتے ہوئے انہوں نے کہا کہ بھارتی کرکٹ بورڈ میں انتہا پسند ہیں اور اب بھارت کے ساتھ برابری کی بنیاد پر بات ہوگی۔ ایک سوال پر چیئرمین پی سی بی نے کہا کہ ہماری خامیاں دورہ آسٹریلیا میں سامنے آگئی تھیں، ہمیں کرکٹ کو بین الاقوامی معیارپر لانا ہوگا، باؤلنگ لیب میں ہمارے بالرز کی تربیت ہوتی ہے، ہمارے پاس 7 سلیکٹرز ہیں اور سب کے سب کرکٹرز رہ چکے ہیں۔