ہمارے پاس پانی موجود ہے پانی کی کمی کارونا چھوڑ دیں،پانی کے معاملے پر عوامی آگاہی کی ضرورت ہے،خواجہ آصف

سچن ٹنڈولکر نے عوامی مقام پر بالٹی سے نہاکر پانی بچانے کا پیغام دیا ،ہمارے ہاں کوئی ایسا کرنے کو تیار نہیں، قائمہ کمیٹی میں اظہار خیال

جمعہ 24 جنوری 2020 18:06

ہمارے پاس پانی موجود ہے پانی کی کمی کارونا چھوڑ دیں،پانی کے معاملے ..

اسلام آباد (اُردو پوائنٹ اخبارتازہ ترین - این این آئی۔ 24 جنوری2020ء) پاکستان مسلم لیگ (ن)کے رہنما خواجہ محمد آصف نے کہاہے کہ ہمارے پاس پانی موجود ہے پانی کی کمی کارونا چھوڑ دیں،پانی کے معاملے پر عوامی آگاہی کی ضرورت ہے،سچن ٹنڈولکر نے عوامی مقام پر بالٹی سے نہاکر پانی بچانے کا پیغام دیا ،ہمارے ہاں کوئی ایسا کرنے کو تیار نہیں۔ جمعہ کو قومی اسمبلی کی قائمہ کمیٹی آبی وسائل کا یوسف تالپور کی زیر صدارت اجلاس ہوا ۔

کمیٹی نے کہاکہ دیا مر بھاشہ ڈیم کے لیے کتنی رقم اکٹھی اور خرچ ہوئی ۔حکام آبی وسائل نے کہاکہ تمام تفصیلات سپریم کورٹ کو خط لکھ کر مانگی گئیں۔ حکام نے بتایاکہ ریمائنڈر بھی لکھا ابھی تک خط کا جواب موصول نہیں ہوا۔ خواجہ آصف نے کہاکہ ایک ڈرامے پر کروڑوں اربوں روپے خرچ کیے گئے، پانی کے معاملے پر عوامی آگاہی کی ضرورت ہے ۔

(جاری ہے)

خواجہ آصف نے کہاکہ بھارت کی جانب سے آبی دہشت گردی محض ایک myth ہے،ہمارے پاس پانی موجود ہے پانی کی کمی کارونا چھوڑ دیں۔

خواجہ آصف نے کہاکہ ہمارے ہاں پینے کے پانی سے گاڑیاں دھوئی جاتی ہیں، سچن ٹنڈولکر نے عوامی مقام پر بالٹی سے نہاکر پانی بچانے کا پیغام دیا ۔خواجہ آصف نے کہاکہ ہمارے ہاں کوئی ایسا کرنے کو تیار نہیں ،میں تو نہر میں بھی چھلانگ لگا لیتا ہوں۔