عوامی مسائل کا حل اور ترقیاتی منصوبوں کی تیاری و تکمیل ہماری اولین ترجیح ہے، چیئرمین توانائی کمیٹی چودھری سالک حسین

منگل 28 جنوری 2020 23:51

اسلام آباد ۔ (اُردو پوائنٹ اخبارتازہ ترین - اے پی پی۔ 28 جنوری2020ء) پاکستان مسلم لیگ کے رہنما و چیئرمین توانائی کمیٹی چودھری سالک حسین نے کہا ہے کہ عوامی مسائل کا حل اور ترقیاتی منصوبوں کی تیاری و تکمیل ہماری اولین ترجیح ہے۔ وہ این اے 65 چکوال کی مختلف یونین کونسلز سے تعلق رکھنے والے اکابرین و معززین سے ملاقات کے دوران گفتگو کر رہے تھے۔

چودھری سالک حسین کو ملنے والی شخصیات نے اپنے اپنے علاقوں میں درپیش مختلف مسائل اور ترقیاتی منصوبوں کے بارے میں آگاہ کیا۔

(جاری ہے)

چودھری سالک حسین نے ان پر تفصیلی تبادلہ خیال کیا اور مسائل کے فوری حل اور ترقیاتی منصوبوں کی جلد تکمیل کی یقین دہانی کروائی۔ انہوں نے کہا کہ ہماری جماعت پاکستان مسلم لیگ حکومت کی اہم اور فعال اتحادی ہے، ہمارے بزرگوں نے ہمیشہ عوامی فلاح و بہبود اور عام و غریب آدمی کی خدمت کی سیاست ہے جس پر انشاء اللہ ہم بھی عمل کرتے رہیں گے۔ انہوں نے کہا کہ این اے 65 کے عوام کی بہتری اور انہیں زیادہ سے زیادہ سہولتوں کی فراہم کیلئے بھرپور کوششیں جاری رہیں گی کیونکہ ہم جو بھی وعدہ کرتے ہیں اسے پورا کرنا اپنا فرض اولین سمجھتے ہیں۔