ملتان، کروڑوں روپے مالیت کا انڈین گٹکا سمگل کرنے کی کوشش ناکام

جمعرات جنوری 17:23

ملتان ۔30 جنوری (اُردو پوائنٹ اخبارتازہ ترین - اے پی پی۔ 30 جنوری2020ء) کسٹم اینٹی سمگلنگ اور اے این ایف نے بہاولپور بائی پاس پر کروڑوں روپے مالیت کا انڈین گٹکا سمگل کرنے کی کوشش ناکام بنا دی۔

(جاری ہے)

ذرائع کے مطابق اطلاع ملنے پر کسٹم اینٹی سمگلنگ سکواڈ اور اے این ایف نے بہاولپور بائی پاس پرمشترکہ کارروائی کرتے ہوئے ایک ٹرک کو روکا، تلاشی لینے پر 4کروڑ 30 لاکھ روپے مالیت کے انڈین گٹکے کے 3000کارٹن قبضے میں لے لیے، یہ گٹکا کوئٹہ سے لاہور سمگل کیا جا رہاتھا، ٹرک ڈرائیور موقع سے فرارہوگیا ۔ کسٹم حکام اور اے این ایف نے ٹرک قبضے میں لے کر کارروائی شروع کر دی ہے۔

متعلقہ عنوان :