پی آئی اے رپورٹ سے عدالت مطمئن نہیں،سپریم کورٹ کا تحریری حکم نامہ

ہفتہ 29 فروری 2020 16:42

اسلام آباد (اُردو پوائنٹ اخبارتازہ ترین - این این آئی۔ 29 فروری2020ء) سی ای او پی آئی اے ارشد محمود ملک کی تعیناتی معاملے پر سپریم کورٹ نے 20 فروری کی سماعت کا تحریری حکمنامہ جاری کر دیا جس میں کہاگیاکہ پی آئی اے رپورٹ سے عدالت مطمئن نہیں۔

(جاری ہے)

حکنمامہ میں کہاگیاکہ گزشتہ بورڈ آف ڈائریکٹرز نے پی آئی اے کی بہتری کیلئے کوئی کام نہیں کیا،حکمنامے کے مطابق پی آئی اے کے جہازوں کو ذاتی مقاصد کیلئے استعمال کیا گیا،ارشد محمود ملک کی ڈیپوٹیشن پر تعیناتی حکومت کی غیر سنجیدگی کو ظاہر کرتی ہے۔

حکمنامہ کے مطابق پی آئی اے کا مستقل سی ای او ہونا چاہئے جو صرف پی آئی اے میں ملازمت کرے۔حکمنامہ کے مطابق پی آئی اے کو بین الاقوامی معیار کیمطابق چلانا بہت مشکل نظر آرہا۔حکمنامہ کے مطابق ارشد محمود ملک کے وکیل نے ہدایات لینے کیلئے مہلت مانگی۔کیس کی مزید سماعت 3 مارچ کو ہوگی۔