طوفانی بارشیں برسانے والا سسٹم لاہور میں داخل

محکمہ موسمیات کا اربن علاقوں میں سیلابی خطرے کا الرٹ جاری

بدھ 11 مارچ 2020 22:45

لاہور (اُردو پوائنٹ اخبارتازہ ترین - آن لائن۔ 11 مارچ2020ء) طوفانی بارشیں برسانے والا سسٹم لاہور میں داخل ہوتے ہی محکمہ موسمیات نے بارشوں کے باعث اربن علاقوں میں سیلابی خطرے کا الرٹ جاری کردیا ہے۔

(جاری ہے)

محکمہ موسمیات کا کہنا ہے کہ آئندہ چوبیس گھنٹوں کے دوران موسلاھار بارش کا امکان ہے۔ بارش کا یہ سلسلہ آئندہ جمعہ تک جاری رہے گا۔ محکمہ موسمیات کے مطابق بارش برسانے والا سسٹم لاہور، گوجرانوالہ، راولپنڈی، سرگودھا، فیصل آباد اور ڈی جی خان میں طوفانی بارشیں برسا سکتا ہے۔