Live Updates

امریکہ میں پاکستانی سفارتخانہ کے زیر اہتمام یوم پاکستان کے حوالے سے پرچم کشائی کی تقریب کا انعقاد

منگل مارچ 01:30

واشنگٹن ۔ (اُردو پوائنٹ اخبارتازہ ترین - اے پی پی۔ 24 مارچ2020ء) امریکہ میں پاکستانی سفارتخانہ کے زیر اہتمام23 مارچ یوم پاکستان 2020کے حوالے سے سادہ مگر پروقار پرچم کشائی کی تقریب کا انعقاد ہوا۔

(جاری ہے)

امریکہ میں پاکستانی سفیر اسد ایم خان نے سفارتخانہ کے صحن میں پاکستانی پرچم لہرایا اور صدر مملکت ڈاکٹر عارف علوی اور وزیراعظم عمران خان کے پیغامات پڑھ کر سنائے جن میں انہوں نے پوری قوم کو یوم پاکستان کی مبارکباد پیش کی اور بانی پاکستان کو خراج تحسین پیش کیا۔

دونوں رہنماؤں نے مقبوضہ جموں و کشمیر کے عوام کے ساتھ یکجہتی کا اظہار کیا اور پاکستانی قوم کو کورنا وائرس سے لڑنے کے لیے متحد ہونے کی اپیل کی۔ سفیر نے اپنے ریمارکس میں پوری دنیا کے پاکستانیوں خاص طور پر امریکہ میں مقیم پاکستانیوں کو یوم پاکستان کی مبارکباد دی۔
کرونا کی امریکہ پر یلغار سے متعلق تازہ ترین معلومات